ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಬ್ಲೂ ಫಿಲಂ: ಪೊಲೀಸ್ ತನಿಖೆಗೆ ಕೋರ್ಟ್ ಆದೇಶ

By Srinath
|
Google Oneindia Kannada News

bjp-ministers-adult-movie-high-court-orders-police-enquiry
ಬೆಂಗಳೂರು,ಫೆ.13: ವಿಧಾನಸೌಧ ಬ್ಲೂಫಿಲಂ ಪ್ರಕರಣದಲ್ಲಿ ಪೊಲೀಸ್ ತನಿಖೆ ನಡೆಸುವಂತೆ 8ನೇ ACMM ಕೋರ್ಟ್ ಸೋಮವಾರ ಆದೇಶಿಸಿದೆ. ವಕೀಲ ಧರ್ಮಪಾಲ ಗೌಡ ಅವರು ಪ್ರಕರಣದ ಸಂಬಂಧ ಖಾಸಗಿ ದೂರು ಸಲ್ಲಿಸಿದ್ದರು.

ಇದೀಗ IPC 156/3 ಅನುಸಾರ ಪ್ರಕರಣ ದಾಖಲಿಸಿಕೊಂಡು, ತನಿಖೆ ನಡೆಸುವಂತೆ ಆದೇಶಿಸಿರುವ ಕೋರ್ಟ್ ಫೆ. 27ರೊಳಗಾಗಿ ತನಿಖೆ ನಡೆಸಿ, ವರದಿ ಸಲ್ಲಿಸುವಂತೆ ವಿಧಾನಸೌಧ ಪೊಲೀಸ್ ಠಾಣೆಯ ಸಬ್‌ಇನ್ಸ್‌ಪೆಕ್ಟರ್ ಗೆ ಆದೇಶಿಸಿದೆ.

ಅದಕ್ಕೂ ಮೊದಲು, ಸದನದಲ್ಲಿ ಬ್ಲೂ ಫಿಲಂ ಸವಿದ ಸವದಿ ಮತ್ತಿತರ ಸಚಿವರಿಗೆ ಪ್ರಕರಣದ ಕುರಿತು ಉತ್ತರಿಸಲು ಸ್ಪೀಕರ್ ಕಾಲಾವಕಾಶ ವಿಸ್ತರಿಸಿ, ಜೀವದಾನ ನೀಡಿದ್ದರು. ಅದರೆ ಈಗ ಪೊಲೀಸ್ ತನಿಖೆಗೆ ಆದೇಶಿಸಿರುವುದು ಕಳಂಕಿತ ಸಚಿವರಿಗೆ ಭಾರಿ ಹಿನ್ನಡೆಯಾಗಿದ್ದರೆ ಆಡಳಿತಾರೂಢ ಬಿಜೆಪಿಗೆ ತೀವ್ರ ಮುಜುಗುರ ತಂದಿದೆ.

ಕಳೆದ ವಾರ ಅಧಿವೇಶನದಲ್ಲಿ ನೀಡಿದ ಸೂಚನೆಯಂತೆ ವಿಧಾನಸಭೆಯ ಕಾರ್ಯದರ್ಶಿಗಳು ಲಕ್ಷ್ಮಣ ಸವದಿ, ಸಿ.ಸಿ.ಪಾಟೀಲ್‌ ಮತ್ತು ಕೃಷ್ಣ ಪಾಲೇಮಾರ್‌ ಅವರಿಗೆ ಕಾರಣ ಕೇಳಿ ನೋಟಿಸ್‌ ಜಾರಿಗೊಳಿಸಿದ್ದರು. ಸೋಮವಾರ ಬೆಳಗ್ಗೆ 10.30ರೊಳಗೆ ವಿವರಣೆ ನೀಡಲು ಗಡವನ್ನೂ ವಿಧಿಸಲಾಗಿತ್ತು.

ಆದರೆ, ಈ ನೊಟೀಸ್‌ಗೆ ಉತ್ತರಿಸಲು ತಮಗೆ ಕಾಲಾವಕಾಶ ನೀಡುವಂತೆ ಮೂವರು ಮಾಜಿ ಸಚಿವರು ಸ್ಪೀಕರ್‌ರನ್ನು ಕೇಳಿಕೊಂಡಿದ್ದರಲ್ಲದೆ, ಈ ಬಗ್ಗೆ ವಿಧಾನ ಸಭಾದ ಮುಖ್ಯ ಕಾರ್ಯದರ್ಶಿ ಓಂಪ್ರಕಾಶ್‌ಗೆ ಪತ್ರ ಬರೆದಿದ್ದರು. ಈ ಹಿನ್ನೆಲೆಯಲ್ಲಿ ಶೋಕಾಸ್ ನೊಟೀಸ್‌ಗೆ ಉತ್ತರಿಸಲು ಫೆ. 19ರವರೆಗೆ ಗಡುವು ನೀಡಲಾಗಿದೆ

English summary
The Karnataka High Court has ordered for police enquiry into the BJP ministers in adult movie scandal
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X