ಹಿರಿಯ ನಾಗರಿಕರಿಗೆ ತಿರುಪತಿ ತಿಮ್ಮಪ್ಪನ ದರ್ಶನ ಇನ್ಮುಂದೆ ಇನ್ನಷ್ಟು ಸುಲಭ: ಟಿಕೆಟ್ ದರ ಎಷ್ಟು?
ತಿರುಮಲ ತಿರುಪತಿ ದೇವಸ್ಥಾನಂ (TTD) ವತಿಯಿಂದ 65 ವರ್ಷ ಹಾಗೂ ಅದಕ್ಕಿಂತ ಹೆಚ್ಚಿನ ವಯಸ್ಸಿನ ಹಿರಿಯ ನಾಗರಿಕರಿಗಾಗಿ ವಿಶೇಷ ಉಚಿತ ದರ್ಶನ ವ್ಯವಸ್ಥೆ ಕಲ್ಪಿಸಲಾಗಿದೆ. ಆಂಧ್ರಪ್ರದೇಶ ಮುಖ್ಯಮಂತ್ರಿ ಎನ್. ಚಂದ್ರಬಾಬು ನಾಯ್ಡು ಅವರ ಮಾರ್ಗದರ್ಶನದಲ್ಲಿ ಹಿರಿಯ ಭಕ್ತರಿಗೆ ಅತ್ಯಂತ ಸುಲಭ ಹಾಗೂ ಆರಾಮದಾಯಕ ದರ್ಶನದ ಸೌಲಭ್ಯವನ್ನು ಒದಗಿಸಲಾಗುತ್ತಿದೆ.
ಹಿರಿಯ ನಾಗರಿಕರಿಗೆ ತ್ವರಿತ ದರ್ಶನ: ಸರತಿ ಸಾಲಿನಲ್ಲಿ ಗಂಟೆಗಟ್ಟಲೆ ಕಾಯುವ ಅಗತ್ಯವಿಲ್ಲದೇ, ಹಿರಿಯ ನಾಗರಿಕರು ಅತ್ಯಂತ ಕಡಿಮೆ ಸಮಯದಲ್ಲಿ ಶ್ರೀ ವೆಂಕಟೇಶ್ವರ ಸ್ವಾಮಿಯ ದರ್ಶನ ಪಡೆಯಲು ಈ ವಿಶೇಷ ವ್ಯವಸ್ಥೆ ಸಹಕಾರಿಯಾಗಲಿದೆ.
ಯಾರು ಈ ಸೌಲಭ್ಯ ಪಡೆಯಬಹುದು?
ಸರ್ಕಾರದ ನಿಯಮಾವಳಿಗಳ ಪ್ರಕಾರ, 65 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸನ್ನು ಪೂರೈಸಿದ ಹಿರಿಯ ನಾಗರಿಕರಿಗೆ ಮಾತ್ರ ಈ ಉಚಿತ ದರ್ಶನ ಯೋಜನೆಯಡಿ ಆದ್ಯತೆಯ ಮೇರೆಗೆ ಪ್ರವೇಶಾವಕಾಶ ಕಲ್ಪಿಸಲಾಗುತ್ತದೆ.
ತಿರುಮಲ ಹಿರಿಯ ನಾಗರಿಕರ ದರ್ಶನ ಗೈಡ್
ದರ್ಶನದ ಅವಧಿಗಳು: ಪ್ರತಿದಿನ ಎರಡು ಬ್ಯಾಚ್ಗಳಲ್ಲಿ ಅವಕಾಶ ಇರಲಿದ್ದು, ಮೊದಲ ಬ್ಯಾಚ್ ಬೆಳಗ್ಗೆ 10:00 ಗಂಟೆಗೆ ಹಾಗೂ ಎರಡನೇ ಬ್ಯಾಚ್ ಮಧ್ಯಾಹ್ನ 3:00 ಗಂಟೆಗೆ ಆರಂಭವಾಗುತ್ತದೆ.
ವರದಿ ಮಾಡಬೇಕಾದ ಸ್ಥಳ: ದರ್ಶನಕ್ಕೆ ಬರುವ ಹಿರಿಯ ನಾಗರಿಕರು ಮೊದಲು ತಿರುಮಲದ S-1 ಕೌಂಟರ್ಗೆ ತಲುಪಬೇಕು.
ಅಗತ್ಯವಿರುವ ದಾಖಲೆಗಳು: ವಯಸ್ಸಿನ ದೃಢೀಕರಣದೊಂದಿಗೆ ಆಧಾರ್ ಕಾರ್ಡ್ ಅಥವಾ ಮತದಾರರ ಗುರುತಿನ ಚೀಟಿಯನ್ನು ಕಡ್ಡಾಯವಾಗಿ ಜೊತೆಯಲ್ಲಿ ತರಬೇಕು.
ಪ್ರವೇಶದ ನಿಯಮ: ಕೌಂಟರ್ನಲ್ಲಿ ನಿಮ್ಮ ದಾಖಲೆಗಳನ್ನು ಕಟ್ಟುನಿಟ್ಟಾಗಿ ಪರಿಶೀಲಿಸಿದ ನಂತರವಷ್ಟೇ ದರ್ಶನದ ಸಾಲಿಗೆ ಉಚಿತವಾಗಿ ಬಿಡಲಾಗುತ್ತದೆ.
ವಯೋವೃದ್ಧರ ಅನುಕೂಲಕ್ಕೆ ದೇವಾಲಯದಲ್ಲಿ ವಿಶೇಷ ಪ್ರವೇಶ ವ್ಯವಸ್ಥೆ:
ಹಿರಿಯ ನಾಗರಿಕರು ಮತ್ತು ವಯೋವೃದ್ಧರು ಯಾವುದೇ ದೈಹಿಕ ಆಯಾಸವಿಲ್ಲದೆ ಸುಲಭವಾಗಿ ದರ್ಶನ ಪಡೆಯಲು ದೇವಾಲಯದಲ್ಲಿ ವಿಶೇಷ ಮಾರ್ಗವನ್ನು ಸಿದ್ಧಪಡಿಸಲಾಗಿದೆ. ಇನ್ಮುಂದೆ ಅವರು ಮೆಟ್ಟಿಲುಗಳನ್ನು ಏರುವ ಅಗತ್ಯವಿಲ್ಲದೇ, ಸೇತುವೆಯ ಕೆಳಗಿನ ಗ್ಯಾಲರಿ ಮಾರ್ಗದ ಮೂಲಕ ನೇರವಾಗಿ ದೇವಾಲಯ ಪ್ರವೇಶಿಸಬಹುದು. ಇದಕ್ಕಾಗಿ ದೇವಾಲಯದ ಬಲಭಾಗದ ಗೋಡೆಯ ಪಕ್ಕದಲ್ಲೇ ವಿಶಾಲವಾದ ಸಂಚಾರ ವ್ಯವಸ್ಥೆಯನ್ನು ಹೊಂದಿರುವ ವಿಶೇಷ ದಾರಿಯನ್ನು ಕಲ್ಪಿಸಲಾಗಿದ್ದು, ಭಕ್ತರ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಡಲಾಗಿದೆ.
ಹಿರಿಯ ಭಕ್ತರಿಗೆ ಉಚಿತ ಆಹಾರ ಸೌಲಭ್ಯ:
ದರ್ಶನ ಮುಗಿಸಿಕೊಂಡು ಬರುವ ಹಿರಿಯ ನಾಗರಿಕರು ಮತ್ತು ಭಕ್ತರಿಗಾಗಿ ಉಚಿತ ಊಟದ ಸೌಲಭ್ಯವನ್ನು ಕಲ್ಪಿಸಲಾಗಿದೆ. ಇಲ್ಲಿ ಭಕ್ತರ ಸತ್ಕಾರಕ್ಕಾಗಿ ಬಿಸಿ ಸಾಂಬಾರ್ ಅನ್ನ, ಮೊಸರನ್ನ ಮತ್ತು ಬಿಸಿ ಹಾಲಿನ ವ್ಯವಸ್ಥೆಯನ್ನು ಮಾಡಲಾಗುತ್ತಿದ್ದು, ಭಕ್ತರು ಇದರ ಸದುಪಯೋಗ ಪಡೆದುಕೊಳ್ಳುತ್ತಿದ್ದಾರೆ.
ಭಕ್ತರ ಸುಗಮ ಸಂಚಾರಕ್ಕಾಗಿ ಪಾರ್ಕಿಂಗ್ ವಲಯದಿಂದ ಎಸ್-1 ಕೌಂಟರ್ವರೆಗೆ ಮತ್ತು ದರ್ಶನದ ಬಳಿಕ ನಿರ್ಗಮನ ದ್ವಾರದವರೆಗೆ ಉಚಿತ ಬ್ಯಾಟರಿ ಕಾರ್ ಸೌಲಭ್ಯವನ್ನು ಒದಗಿಸಲಾಗಿದೆ. ಇನ್ನು ಟಿಟಿಡಿ ನಿಯಮಗಳ ಪ್ರಕಾರ ಹಿರಿಯ ನಾಗರಿಕರು ವಿಶೇಷ ಸಾಲಿಗೆ ಪ್ರವೇಶಿಸಿದ ಕೇವಲ 30 ನಿಮಿಷಗಳಲ್ಲೇ ದರ್ಶನ ಪೂರ್ಣಗೊಳಿಸಿ ಬರಬಹುದಾಗಿದ್ದು, ಇದು ವಯೋವೃದ್ಧ ಭಕ್ತರಿಗೆ ನೆಮ್ಮದಿಯ ದರ್ಶನದ ಅನುಭವ ನೀಡುತ್ತಿದೆ.
ಟಿಟಿಡಿ ಮಹತ್ವದ ಸೂಚನೆ: ಹಿರಿಯ ನಾಗರಿಕರಿಗೆ ಶ್ರೀವಾರಿ ಸುಲಭ ದರ್ಶನ ಭಾಗ್ಯ!
ಹಿರಿಯ ನಾಗರಿಕರು ಶ್ರೀ ತಿರುಪತಿ ತಿಮ್ಮಪ್ಪನ ದರ್ಶನವನ್ನು ಯಾವುದೇ ಆಯಾಸವಿಲ್ಲದೆ ಸುಲಭವಾಗಿ, ಕಡಿಮೆ ಸಮಯದಲ್ಲಿ ಹಾಗೂ ಆರಾಮದಾಯಕವಾಗಿ ಪಡೆಯಲು ಟಿಟಿಡಿ ವಿಶೇಷ ವ್ಯವಸ್ಥೆಯನ್ನು ಮಾಡಿದೆ. ಈ ಸೌಲಭ್ಯದ ಪ್ರಮುಖ ನಿಯಮಗಳು ಇಲ್ಲಿವೆ:
ವಿಶೇಷ ಮೀಸಲಾತಿ: ಈ ವಿಶಿಷ್ಟ ದರ್ಶನ ಸೌಲಭ್ಯವು ಕೇವಲ ಹಿರಿಯ ನಾಗರಿಕರಿಗಾಗಿ (Senior Citizens) ಮಾತ್ರ ಮೀಸಲಾಗಿದೆ.
ಶಿಫಾರಸು ಅಗತ್ಯವಿಲ್ಲ: ದರ್ಶನಕ್ಕಾಗಿ ಯಾವುದೇ ರೀತಿಯ ರಾಜಕೀಯ ಒತ್ತಡ ಅಥವಾ ವಿಐಪಿ ಶಿಫಾರಸು ಪತ್ರಗಳ ಅಗತ್ಯವಿರುವುದಿಲ್ಲ.
ದಾಖಲೆಗಳ ಪರಿಶೀಲನೆ: ವಯಸ್ಸಿನ ದೃಢೀಕರಣಕ್ಕಾಗಿ ಕೌಂಟರ್ನಲ್ಲಿ ಅಗತ್ಯವಿರುವ ಅಸಲಿ ಗುರುತಿನ ಚೀಟಿ (ದಾಖಲೆಗಳನ್ನು) ತೋರಿಸಿದರೆ ಸಾಕು.
ಅಧಿಕೃತ ಸಹಾಯವಾಣಿ: ಹೆಚ್ಚಿನ ಮಾಹಿತಿ ಅಥವಾ ತುರ್ತು ನೆರವಿಗಾಗಿ ಭಕ್ತರು ಟಿಟಿಡಿಯ ಇಂಟರ್ನೆಟ್ ಸಹಾಯವಾಣಿ ಸಂಖ್ಯೆಯನ್ನು ಸಂಪರ್ಕಿಸಬಹುದು: 87722 77777.
Click it and Unblock the Notifications
Sign in with Google