ಹಳ್ಳಕ್ಕೆ ಬಿದ್ದ ಮ್ಯಾಕ್ಸಿಕ್ಯಾಬ್, 10 ಮಂದಿ ದುರ್ಮರಣ

ಮಳವಳ್ಳಿ, ಫೆ.10: ಸುಮಾರು 100 ಅಡಿ ಆಳದ ಹಳ್ಳಕ್ಕೆ ಮ್ಯಾಕ್ಸಿಕ್ಯಾಬ್ ಉರುಳಿದ ಪರಿಣಾಮ, ವಾಹನದಲ್ಲಿದ್ದ 10 ಜನ ಸಾವನ್ನಪ್ಪಿದ್ದು, 14ಕ್ಕೂ ಅಧಿಕ ಜನ ಗಾಯಗೊಂಡ ಘಟನೆ ಹಲಗೂರು ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.

ಮಂಡ್ಯ ಜಿಲ್ಲೆ ಮಳವಳ್ಳಿ ತಾಲೂಕಿನ ಬಸವೇಶ್ವರ ಸ್ವಾಮಿ ದೇಗುಲದ ಬೆಟ್ಟಕ್ಕೆ ಹೋಗಿದ್ದ ಕುಟುಂಬದವರು ಮನೆಗೆ ಹಿಂತಿರುಗುವಾಗ ಈ ದುರ್ಘಟನೆ ನಡೆದಿದೆ.

ಬೆಟ್ಟದಿಂದ ವಾಹನ ಇಳಿಯುವಾಗ ನಿಯಂತ್ರಣ ಕಳೆದುಕೊಂಡು ಕಮರಿಗೆ ಬಿದ್ದಿದೆ. 10 ಜನ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಮೃತಪಟ್ಟವರಲ್ಲಿ 6 ಜನ ಮಹಿಳೆಯರು ಮೂರು ತಿಂಗಳಿನ ಮಗು ಸೇರಿದೆ.

ಸುಮಾರು 14 ಜನ ಗಾಯಗೊಂಡಿದ್ದಾರೆ. ಮೂವರನ್ನು ಬೆಂಗಳೂರಿನ ನಿಮ್ಹಾನ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಎಸ್ ಪಿ ಕೌಶಲೇಂದ್ರ ಕುಮಾರ್ ಹೇಳಿದ್ದಾರೆ.

English summary

Ten people died and 14 were injured when a maxicab fell into a deep ditch at Basavana Betta in the Halagur police station limits in Malavalli taluk, Mandya districton thursday(Feb.9).