ಆರ್ ಬಿಐ ಎಚ್ಚರಿಕೆ: ಮಣಪ್ಪುರಂ ಚಿನ್ನದ ಷೇರು ಗೋತಾ

ಮುಂಬೈ,ಫೆ.8: ಮಣಪ್ಪುರಂ ಗೋಲ್ಡ್ ಫೈನಾನ್ಸ್ ವ್ಯವಹಾರದ ಮೇಲೆ ಕರಿಛಾಯೆ ಆವರಿಸಿದೆ. ಮಣಪ್ಪುರಂ ಫೈನಾನ್ಸ್ ಲಿಮಿಟೆಡ್ ಅಥವಾ ಇದೇ ಸಮೂಹದ ಅಂಗ ಸಂಸ್ಥೆಯಾಗಿರುವ ಮಣಪ್ಪುರಂ ಅಗ್ರೊ ಫಾರ್ಮ್ಸನಲ್ಲಿ (ಎಂಎಜಿಆರ್‌ಒ) ಠೇವಣಿ ಇಟ್ಟರೆ ಅದಕ್ಕೆ ಸಾರ್ವಜನಿಕರೇ ಹೊಣೆಗಾರರು ಎಂದು ಆರ್‌ಬಿಐ ಎಚ್ಚರಿಸಿದ್ದೇ ತಡ, ಮಂಗಳವಾರ ಮುಂಬೈ ಷೇರು ಮಾರುಕಟ್ಟೆಯಲ್ಲಿ ಚಿನ್ನದ ಸಾಲದ ಮೇಲಿನ ಷೇರುಗಳು ನೆಲಕಚ್ಚಿವೆ.

ಬಿಎಸ್ಇನಲ್ಲಿ ಮಣಪ್ಪುರಂ ಗೋಲ್ಡ್ ಷೇರು ಶೇ. 20ರಷ್ಟು ಭಾರಿ ಕುಸಿತ ಕಂಡು 45.5 ರು. ಗೆ ಕುಗ್ಗಿತು. ಇನ್ನು ಮುಥೋಟ್ ಫೈನಾನ್ಸ್ ಷೇರಿನ ಲೋಹದ ಬಣ್ಣ ಸಹ ಮಂಕಾಯಿತು. ಇದರಿಂದ ಈ ಎರಡೂ ಕಂಪನಿಗಳು ಸಂಕಷ್ಟಕ್ಕೆ ಸಿಲುಕಿವೆ. ಆರ್ ಬಿಐ ಎಚ್ಚರಿಕೆಯನ್ನು ಕಡೆಗಣಿಸಿ, ಮಣಪ್ಪುರಂ ಗೋಲ್ಡ್ ಕಂಪನಿಯು ಕೋಟ್ಯಂತರ ರುಪಾಯಿ ಠೇವಣಿ ಸಂಗ್ರಹಿಸುತ್ತಿರುವುದರಿಂದ ಆ ಕಂಪನಿಯ ಷೇರುಗಳು ನೆಲಕಚ್ಚಿವೆ ಎಂದು ವಿಶ್ಲೇಷಿಸಲಾಗಿದೆ.

English summary

Shares of gold loan firms lost heavily on Tuesday (Feb8) after a Reserve Bank of India rap on a major entity, Manappuram Finance, for breaching the rules on raising money from the public.