ಫೆ.1 ಫೇಸ್ ಬುಕ್ ಷೇರುಪೇಟೆಗೆ ಎಂಟ್ರಿ?

ನ್ಯೂಯಾರ್ಕ್, ಫೆ.1: ವಿಶ್ವದ ನಂ.1 ಸಾಮಾಜಿಕ ಜಾಲ ತಾಣ ಷೇರುಪೇಟೆ ಪ್ರವೇಶ ಬಹುತೇಕ ಖಚಿತವಾಗಿದೆ. ಫೆ.1ರಂದು ಫೇಸ್ ಬುಕ್ ಅತಿದೊಡ್ಡ ಐಪಿಒ ಮೂಲಕ ಷೇರುಪೇಟೆಗೆ ಕಾಲಿರಿಸಲಿದೆ.

100 ಬಿಲಿಯನ್ ಡಾಲರ್ ಮೌಲ್ಯದ ಸಂಸ್ಥೆ ಮೇ ತಿಂಗಳಿನಲ್ಲಿ Initial Public Offering(ಐಪಿಒ) ಬಿಡುಗಡೆ ಮಾಡುತ್ತದೆ ಎಂಬ ಸುದ್ದಿ ಹಬ್ಬಿದೆ.

ನಿರೀಕ್ಷೆಯಂತೆ ಫೇಸ್ ಬುಕ್ ಐಪಿಒ ಅತಿದೊಡ್ಡ ಪ್ರಮಾಣದ್ದಾಗಿರುತ್ತದೆ. 5 ರಿಂದ 10 ಬಿಲಿಯನ್ ಡಾಲರ್ ನಿಂದ 100 ಬಿಲಿಯನ್ ಡಾಲರ್ ತನಕ ಮೌಲ್ಯ ಏರಿಕೆ ಕಾಣುವ ಸಂಭವವಿದೆ.

ಸುಮಾರು 800 ಮಿಲಿಯನ್ ಬಳಕೆದಾರರನ್ನು ಹೊಂದಿರುವ ಫೇಸ್ ಬುಕ್ ಪ್ರಸಕ್ತ ವರ್ಷದಲ್ಲಿ 1 ಬಿಲಿಯನ್ ದಾಟುವ ಸಾಧ್ಯತೆಯಿದೆ. 2011ರಲ್ಲಿ ಸುಮಾರು 4 ಬಿಲಿಯನ್ ಡಾಲರ್ ಆದಾಯ ದಾಖಲಿಸಿದ್ದ ಫೇಸ್ ಬುಕ್, 2012ರಲ್ಲಿ ಇನ್ನೂ ಅಧಿಕ ಆದಾಯದ ನಿರೀಕ್ಷೆಯಲ್ಲಿದೆ.

ಮಾರ್ಗನ್ ಸ್ಟ್ಯಾನ್ಲಿ, ಬ್ಯಾಂಕ್ ಆಫ್ ಅಮೆರಿಕ ಮೆರ್ರಿಲ್ ಲಿಂಚ್, ಗೋಲ್ಡ್ ಮನ್ ಸಾಚ್ಸ್, ಜೆಪಿ ಮಾರ್ಗನ್ ಹಾಗೂ ಬರ್ಕಲೇಸ್ ಕ್ಯಾಪಿಟಲ್ ಸಂಸ್ಥೆಗಳು ಫೇಸ್ ಬುಕ್ ನ ಐಪಿಒ ನಿರ್ವಹಿಸುವ ಸಾಧ್ಯತೆಗಳಿದೆ. ಆದರೆ, ಫೇಸ್ ಬುಕ್ ಇನ್ನೂ ಅಧಿಕೃತ ಹೇಳಿಕೆ ನೀಡಿಲ್ಲ.

English summary

The worlds no 1 online social networking site is awaiting its stock market debut in 2012, expecting as much as $100 billion. The news spread on Monday that popular social networking site Facebook is aiming at a $5 billion initial public offering.