100 ದಿನ ಮೊಬೈಲ್ ನಿಷೇಧ, ಬಳಸಿದರೆ ಶಿಕ್ಷೆ ಖಚಿತ

ಪ್ಯಾಂಗ್ ಯಂಗ್, ಜ.31: ಉತ್ತರ ಕೊರಿಯಾದ ನಾಗರಿಕರಿಗೆ ನೂರು ದಿನಗಳ ಮೊಬೈಲ್ ಫೋನ್ ಬಳಕೆ ನಿಷೇಧ ಹೇರಲಾಗಿದೆ. ಯಾರಾದರೂ ಈ ಅವಧಿಯಲ್ಲಿ ಮೊಬೈಲ್‌ ಫೋನ್‌ ಉಪಯೋಗಿಸಿದರೆ ಅವರಿಗೆ ಕಠಿಣ ಶಿಕ್ಷೆ ಕಾದಿದೆ. ಅವರನ್ನು ಯುದ್ಧ ಅಪರಾಧಿ ಎಂದು ಪರಿಗಣಿಸಿ ಶಿಕ್ಷಿಸಲಾಗುವುದು ಎಂದು ಇಲ್ಲಿನ ಸರ್ಕಾರ ಆದೇಶ ಹೊರಡಿಸಿದೆ.

ಕಿಮ್ ಜಾಂಗ್ II ಅವರ ಸಂಸ್ಮರಣೆ ನೆಪದಲ್ಲಿ ಮೊಬೈಲ್ ಬಳಕೆ ನಿಷೇಧ ಹೇರಲಾಗಿದೆ. ಉತ್ತರ ಕೊರಿಯಾದ ಸಹಜ ಸ್ಥಿತಿಯ ವಿವರ ಮೊಬೈಲ್‌ ಫೋನ್‌ಗಳ ಮೂಲಕ ಹೊರ ಜಗತ್ತಿಗೆ ತಿಳಿಯ ಬಾರದು ಎಂದು ಈ ಮುಂಚೆ ಕಿಮ್‌ ಜಾಂಗ್‌ ಈ ಮೊಬೈಲ್‌ ಫೋನ್‌ಗಳಿಗೆ ನಿಷೇಧ ಹೇರಿದ್ದರು.

700,000 ಮೊಬೈಲ್ ಫೋನ್ ಬಳಕೆದಾರರು ಈ ನಿಷೇಧದ ಹೊರೆ ಹೊರಬೇಕಾಗುತ್ತದೆ. 3ಜಿ ನೆಟ್ವರ್ಕ್ ಬಂದ ಮೇಲೆ ಸುಮಾರು 125,661 ಗ್ರಾಹಕರನ್ನು ಹೊಂದಿದ್ದೇವೆ ಎಂದು Orascom ಸಂಸ್ಥೆ ಹೇಳಿದೆ.

ಉತ್ತರ ಕೊರಿಯಾದಲ್ಲಿ ಪ್ರಕ್ಷುಬ್ಧ ಪರಿಸ್ಥಿತಿ ಬಗ್ಗೆ ಲಿಬಿಯಾ ಮತ್ತು ಈಜಿಪ್ಟ್ ದೇಶಗಳಿಗೆ ತಿಳಿಯಬಾರದು ಎಂದು ಈಗಿನ ಆಡಳಿತಗಾರ ಕಿಮ್ ಜಾಂಗ್ ಉದ್ದೇಶ ಎನ್ನಲಾಗಿದೆ.100 ದಿನ ನಂತರವೂ ಕಿಮ್‌ ಜಾಂಗ್‌ ನಿಷೇಧ ಮುಂದುವರೆಸಿದರೆ ಅಚ್ಚರಿಯೇನಿಲ್ಲ.

English summary

North Korea has banned its citizens from using their cellphones. mobile phones for 100 days. To mark the mourning the death of Kim Jong-Il. Citizens using mobile phone will be treated as war criminals.