ಬೆಂಗಳೂರಿನಲ್ಲಿ ಅಗ್ನಿ ದುರಂತ : 7 ಖಾಸಗಿ ಬಸ್ಸುಗಳು ಭಸ್ಮ
ಬೆಂಗಳೂರು, ಜ. 2 : ಖಾಸಗಿ ಟ್ರಾವೆಲ್ಸ್ಗೆ ಸೇರಿದ ಕನಿಷ್ಠ 7 ಬಸ್ಸುಗಳು ಅಗ್ನಿ ಆಕಸ್ಮಿಕಕ್ಕೆ ಆಹುತಿಯಾದ ಘಟನೆ ಬೆಂಗಳೂರಿನ ರಿಂಗ್ ರಸ್ತೆಯಲ್ಲಿರುವ ಪಿಇಎಸ್ಐಟಿ ಕಾಲೇಜಿನ ಬಳಿಯಿರುವ ವಾಹನಗಳನ್ನು ನಿಲ್ಲಿಸುವ ತಾಣದಲ್ಲಿ ಸೋಮವಾರ ನಡೆದಿದೆ.
ನಾಯಂಡಹಳ್ಳಿ ಬಳಿ ಇರುವ ಗ್ಯಾರೇಜೊಂದರಲ್ಲಿ ಶಾರ್ಟ್ ಸರ್ಕ್ಯೂಟ್ನಿಂದ ಒಂದು ವಾಹನಕ್ಕೆ ತಗುಲಿಕೊಂಡ ಬೆಂಕಿ ಇತರ ವಾಹನಗಳಿಗೂ ವ್ಯಾಪಿಸಿದೆ. ಕನಿಷ್ಠ 7 ವಾಹನಗಳು ಅಗ್ನಿಗೆ ಆಹುತಿಯಾಗಿವೆ ಎಂಬ ಮಾಹಿತಿ ಬಂದಿದೆ.
ರಿಂಗ್ ರಸ್ತೆಯಿಂದ ಆವಲಹಳ್ಳಿಗೆ ಹೋಗುವ ರಸ್ತೆಯಲ್ಲಿ ವೀರಭದ್ರ ನಗರದಲ್ಲಿ ಈ ದುರಂತ ಸಂಭವಿಸಿದೆ. ಹಬ್ಬಿಕೊಳ್ಳುತ್ತಿರುವ ಅಗ್ನಿ ಶಮನಕ್ಕೆಂದು 6 ಅಗ್ನಿಶಾಮಕ ದಳದ ವಾಹನಗಳು ಧಾವಿಸಿದ್ದು ಬೆಂಕಿಯನ್ನು ನಂದಿಸುವ ಕಾರ್ಯದಲ್ಲಿ ತೊಡಗಿಕೊಂಡಿವೆ.
Click it and Unblock the Notifications
Sign in with Google