ಜೀಮೇಲ್, ಐಫೋನ್ ಬಳಕೆದಾರರೇ ಎಚ್ಚರ, ಎಚ್ಚರ!

ಲಂಡನ್, ಡಿ.2: ಜೀಮೇಲ್, ಐಫೋನ್ ಹಾಗೂ ಬ್ಲಾಕ್ ಬೆರಿ ಬಳಕೆದಾರರಿಗೆ ವಿಕಿಲೀಕ್ಸ್ ಸ್ಥಾಪಕ ಜುಲಿಯನ್ ಅಸ್ಸಾಂಜ್ ಎಚ್ಚರಿಕೆ ನೀಡಿದ್ದಾರೆ. ಈ ಪ್ರಮುಖ ಸಂಸ್ಥೆಗಳಿಂದ ನಿಮ್ಮ ಖಾಸಗಿ ಮಾಹಿತಿ ಸೋರಿಕೆಯಾಗುತ್ತಿದೆ ಎಂದು ಅಸ್ಸಾಂಜ್ ಹೇಳಿದ್ದಾರೆ.

ಮೇಲ್ಕಂಡ ಸಂಸ್ಥೆಗಳಿಗೆ ಸಂಬಂಧಪಟ್ಟಂತೆ ಸುಮಾರು 287 ಫೈಲುಗಳನ್ನು ಹೊರ ಹಾಕಿರುವ ಅಸ್ಸಾಂಜ್, ವಿಕಿಲೀಕ್ಸ್ ಮೂಲಕ ಸುಮಾರು 150 ಕಂಪನಿಗಳ ಬಣ್ಣ ಬಯಲುಮಾಡಲು ಸಿದ್ಧರಾಗಿದ್ದಾರೆ.

ಈ ಕಂಪನಿಗಳು ತಮ್ಮ ಬಳಕೆದಾರರ ಮೊಬೈಲ್ ಫೋನ್ ಮಾಹಿತಿಗಳನ್ನು ಪಡೆದು ಮಾರಾಟ ಮಾಡಿಕೊಳ್ಳುತ್ತಿದೆ. ಈ

ಸಾಮೂಹಿಕ ಕಣ್ಗಾವಲು ಕೈಗಾರಿಕೆಯಲ್ಲಿ ಭಾರತದ ಸಂಪರ್ಕವೂ ಇರುವ ಶಂಕೆ ವ್ಯಕ್ತವಾಗಿದೆ. ಭಾರತದ ಪ್ರಮುಖ ಸಂಸ್ಥೆಯೊಂದು ಇಥಿಯೋಪಿಯಾ ಹಾಗೂ ಇತರೆ ಆಫ್ರಿಕಾ ದೇಶಗಳಿಗೆ ಮಾಹಿತಿ ಸೋರಿಕೆ ಮಾಡಿರುವ ಒಂದು ದಾಖಲೆ ಸಿಕ್ಕಿದೆ ಎಂದು ಅಸ್ಸಾಂಜ್ ಹೇಳಿದ್ದಾರೆ.

ಪ್ರಮುಖ ಕಂಪನಿಗಳಿಂದ ಮಾಹಿತಿ ಸೋರಿಕೆ ಫಲವಾಗಿ ಮಾಫಿಯಾ ಹಾಗೂ ಸರ್ವಾಧಿಕಾರಿಗಳ ಉಪಟಳ ಹೆಚ್ಚಾಗಿರುವ ಮಾಹಿತಿ ಸಿಕ್ಕಿದೆ ಎಂದು ಅಸ್ಸಾಂಜ್ ಕಳವಳ ವ್ಯಕ್ತಪಡಿಸಿದ್ದಾರೆ.

English summary

After Wikileaks founder, Julian Assange raised a storm with the leaking of the US diplomatic cables that exposed the real intentions of world super powers, he is back with a bang yet again. Assange has now leaked 287 files of numerous companies that contains some explosive details of mass surveillance. Assange added that iPhone, Blackberry and Gmail users were at risk as well.