ಡ್ರೈವರ್ ಟೈಟ್ ಆಗಿದ್ರೆ ಕೆಂಪುಬಸ್ ಇಸ್ಟಾರ್ಟ್ ಆಗಕಿಲ್ಲಾ

ಬೆಂಗಳೂರು ನ 2: ಪತ್ರಕರ್ತರನ್ನು ಆಹ್ವಾನಿಸದೇ ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ) ದೇಶದಲ್ಲೇ ಪ್ರಥಮವೆಂದು ಹೇಳಲಾದ ಇಂಟೆಗ್ರಲ್ ಮೊನೋಕಾಕ್ ಫ್ರೇಮ್ ವೋಲ್ವೋ ವಾಹನಗಳಿಗೆ ಸಾರಿಗೆ ಸಚಿವ ಆಶೋಕ್ ಚಾಲನೆ ನೀಡಿದ್ದಾರೆ. ಈ ಬಸ್ಸಿನ ವಿಶೇಷತೆ ಏನಂದರೆ ಚಾಲಕ ಮದ್ಯಪಾನ ಮಾಡಿದ್ದರೆ ಬಸ್ ಏನೇ ಮಾಡಿದರೂ ಮುಂದಕ್ಕೆ ಹೋಗೋಲ್ಲಾ..

ವಾಹನದಲ್ಲಿ ಆಲ್ಕೋಹಾಲಿಕ್ ಟೆಸ್ಟ್ ಮೆಷಿನ್ ತಂತ್ರಜ್ಞಾನವನ್ನು ಅಳವಾಡಿಸಲಾಗಿದ್ದು, ಡ್ರೈವರ್ ಈ ಟೆಸ್ಟ್ ನಲ್ಲಿ ಪಾಸಾದರೆ ಮಾತ್ರ ಬಸ್ ಶುರುವಾಗುವುದು. ಆದ್ದರಿಂದ ಪ್ರಯಾಣಿಕರು ಯಾವುದೇ ಚಿಂತೆ ಇಲ್ಲದೆ ಬಿಎಂಟಿಸಿ ಬಸ್ ನಲ್ಲಿ ಸಂಚಾರ ಮಾಡಬಹದು. ಈ ತಂತ್ರಜ್ಞಾನವಿರುವ ಬಸ್ಸಿನ ಬೆಲೆ 55 ಲಕ್ಷದ ಮೇಲೆ 50 ಸಾವಿರ.

ಈ ಬಸ್ಸಿನ ಪ್ರಯಾಣದ ದರ ಕಿ.ಮೀ ಗೆ ಸರಾಸರಿ 1.40. ಟಾಟಾ ಮತ್ತು ಅಶೋಕ್ ಲೈಲ್ಯಾಂಡ್ ಸಂಸ್ಥೆಯ 28 ಬಸ್ ಗಳನ್ನು ಬಿಎಂಟಿಸಿ ಖರೀದಿಸಿದೆ. ಸದ್ಯ ಮುಂದಿನ ಎರಡು ತಿಂಗಳು ಸಂಸ್ಥೆ ಬೆಂಗಳೂರು ನಗರಗಳಲ್ಲಿ ಪ್ರಾಯೋಗಿಕ ಸಂಚಾರ ನಡೆಸಲಿದೆ.

ವಿಜಯನಗರ, ಕೆಂಪೇಗೌಡ ಕೇಂದ್ರ ಬಸ್ ನಿಲ್ದಾಣ, ಹಂಪಿನಗರ, ಶಿವಾಜಿನಗರ, ಶ್ರೀನಗರ ಮತ್ತು ಜೆ ಪಿ ನಗರ ಬಸ್ ನಿಲ್ದಾಣಗಳಿಂದ ಈ ಬಸ್ ಗಳು ಹೊರಡಲಿದೆ.

English summary

Bangalore Metropolitan Transportation Corporation has introduced new 28 buses. These buses has new technology called Alcoholic Test Machine. Ashok Leyland and Tata has supplied these buses.