ಅಪರಿಚಿತ ಮಹಿಳೆ ಮೇಲೆ ಅತ್ಯಾಚಾರವೆಸಗಿ ಕೊಲೆ

By * ಸಾಗರ ದೇಸಾಯಿ, ಯಾದಗಿರಿ

Published: Tuesday, October 25, 2011, 12:26 [IST]

ಯಾದಗಿರಿ, ಅ. 24 : ಗುರುಮಠಕಲ್ ಸಮೀಪದ ಕಾಕಲವಾರ-ಸೇಡಂ ರಸ್ತೆ ಪಕ್ಕದ ತೊಗರಿ ಹೊಲದಲ್ಲಿ ಸುಮಾರು 35 ವರ್ಷದ ಅಪರಿಚಿತ ಮಹಿಳೆಯೊಬ್ಬಳ ಮೃತದೇಹ ಪತ್ತೆಯಾಗಿದ್ದು, ಅತ್ಯಾಚಾರವೆಸಗಿ ಕೊಲೆ ಮಾಡಿರುವ ಶಂಕೆ ವ್ಯಕ್ತವಾಗಿದೆ.

ಮಹಿಳೆ ಮೃತದೇಹದ ಸಮೀಪವೇ ನೀರು ಹಾಗೂ ಬಿಯರ್ ಬಾಟಲಿ ಬಿದ್ದಿರುವುದು ಅನೇಕ ಅನುಮಾನಗಳನ್ನು ಹುಟ್ಟುಹಾಕಿದೆ. ಅತ್ಯಾಚಾರವೆಸಗಿ ಕೊಲೆ ಮಾಡಿರುವ ಶಂಕೆಯನ್ನೂ ಪೊಲೀಸರು ವ್ಯಕ್ತಪಡಿಸಿದ್ದಾರೆ.

ಮಹಿಳೆ ಹೆಸರು ಮತ್ತು ಎಲ್ಲಿಯವಳು ಎನ್ನುವುದು ಗೊತ್ತಾಗಿಲ್ಲ. ಇತ್ತೀಚೆಗಷ್ಟೇ ಮಕ್ಕಳ ಕಳ್ಳರ ಹಾವಳಿಯಿಂದ ತತ್ತರಿಸಿರುವ ಪಟ್ಟಣದ ಜನರಿಗೆ ಈ ಘಟನೆಯೂ ಮತ್ತಷ್ಟು ಆತಂಕ ಉಂಟುಮಾಡಿದೆ. ಈ ಬಗ್ಗೆ ಗುರುಮಠಕಲ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Published On October 25, 2011