ಡಿನೋಟಿಫಿಕೇಶನ್: ಗೃಹ ಸಚಿವ ಅಶೋಕ್ ಸಹ ಜೈಲುಪಾಲು?

ಬೆಂಗಳೂರು, ಅ.19: ರಾಜ್ಯದ ಘನಂದಾರಿ ಜನನಾಯಕರೆಲ್ಲ ಒಬ್ಬೊಬ್ಬರಾಗಿ ಪರಪ್ಪನ ಅಗ್ರಹಾರ ಜೈಲು ಸೇರಿಕೊಳ್ಳುತ್ತಿರುವಾಗ ಸಾಕ್ಷಾತ್ ಗೃಹ ಸಚಿವರಿಗೇ ವಿನಾಯಿತಿ ದೊರಕುವುದುಂಟೇ!? ಹಾಗಾಗಿಯೇ ಅವಯ್ಯನೂ ಜೈಲಿಗೆ ಹೋಗಲಿ ಎಂಬ ಇರಾದೆಯೊಂದಿಗೆ ಪತ್ರಕರ್ತ ಜೈಕುಮಾರ್ ಹಿರೇಮಠ ಅವರು ಲೋಕಾಯುಕ್ತ ಕೋರ್ಟಿನಲ್ಲಿ ನಾಡಿನ ಗೃಹ ಸಚಿವ ಆರ್ ಅಶೋಕ್ ಅವರ ವಿರುದ್ಧ ಬುಧವಾರ ಖಾಸಗಿ ದೂರು ದಾಖಲಿಸಿದ್ದಾರೆ.

ಅಕ್ರಮ ಡಿನೋಟಿಫಿಕೇಶನ್, ಅಕ್ರಮ ಆಸ್ತಿ ಗಳಿಕೆ ಆರೋಪ ಹೊರಿಸಿ, ಹಿರೇಮಠ್ ಅವರು ಗೃಹ ಸಚಿವ ಅಶೋಕ್ ಅವರ ವಿರುದ್ಧ ಕೋರ್ಟ್ ಕಟೆಕಟೆ ಹತ್ತಿದ್ದಾರೆ. ಲೊಟ್ಟೆಗೊಲ್ಲಹಳ್ಳಿಯಲ್ಲಿ ಬಿಡಿಎಗೆ ಸೇರಿದ ನಿವೇಶನದ ಅಕ್ರಮ ಖರೀದಿ, 2009ರಲ್ಲಿ 9 ಎಕರೆಗೂ ಹೆಚ್ಚು ಜಮೀನಿನ ಅಕ್ರಮ ಡಿನೋಟಿಫಿಕೇಶನ್ ಮತ್ತು ಬೆಂಗಳೂರಿನ ಸುತ್ತಮುತ್ತ ಅಕ್ರಮ ಆಸ್ತಿ ಗಳಿಸಿದ್ದಾರೆ ಅರ್ಜಿಯಲ್ಲಿ ಹೇಳಿದ್ದಾರೆ.

English summary

Jaikumar Hiremath files Land Denotification Case against R Ashoka, Home minister, in Lokayukta Court.