ಬಸ್ ಡೇ ಕೊಡುಗೆ: ಜೆಪಿ ನಗರಕ್ಕೆ ಹೊಸ ಬಸ್ ಗಳು

ಬೆಂಗಳೂರು, ಅ.4: ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆಯ ಹೆಮ್ಮೆಯ 'ಬಸ್ ಡೇ' ದಿನಾಚರಣೆ ಅಂಗವಾಗಿ ಹೊಸ ಬಸ್ ಸೇವೆಗಳಿಗೆ ಚಾಲನೆ ನೀಡಲಾಗಿದೆ.

ಜೆಪಿ ನಗರ 6 ನೇ ಹಂತದಿಂದ ದೊಮ್ಮಲೂರು ನಿಲ್ದಾಣಕ್ಕೆ ಹೊಸ ಬಸ್ ಹಾಗೂ ಜೆಪಿನಗರ ಡಾಲರ್ಸ್ ಕಾಲೋನಿಯಿಂದ ಕೆಂಪೇಗೌಡ ಬಸ್ ನಿಲ್ದಾಣಕ್ಕೆ ಇನ್ನೊಂದು ಬಸ್ ಸೇವೆಯನ್ನು ಆರಂಭಿಸಲಾಗಿದೆ.

201MD: ಜೆಪಿನಗರ 6ನೇ ಹಂತದಿಂದ ಜೆಪಿ ನಗರ 3ನೇ ಹಂತ, 8ನೇ ಮುಖ್ಯರಸ್ತೆ, ಬಿಟಿಎಂ 16ನೇ ಮುಖ್ಯರಸ್ತೆ, ಸೆಂಟ್ರಲ್ ಸಿಲ್ಕ್ ಬೋರ್ಡ್, ಮಡಿವಾಳ, ಕೋರಮಂಗಲ, ಶ್ರೀನಿವಾಗಿಲು, ಒಳವರ್ತುಲ ರಸ್ತೆ ಮಾರ್ಗವಾಗಿ ದೊಮ್ಮಲೂರು ಟಿಟಿಎಂಸಿ ತಲುಪಲಿದೆ. 20 ನಿಮಿಷಗಳ ಅಂತರದಲ್ಲಿ 6 ಬಸ್ ಗಳು ಚಲಿಸಲಿದೆ.

25K: ಜೆಪಿನಗರ 4 ನೇ ಹಂತ(ಡಾಲರ್ಸ್ ಕಾಲೋನಿ)ದಿಂದ 8ನೇ ಮುಖ್ಯರಸ್ತೆ, ಜಯನಗರ ಈಸ್ಟ್ ಎಂಡ್, ಕಾರ್ಮೆಲ್ ಕಾನ್ವೆಂಟ್, ಜಯನಗರ ನಾಲ್ಕನೇ ಹಂತ ಬಸ್ ನಿಲ್ದಾಣ, ಲಾಲ್ ಬಾಗ್ ಮುಖ್ಯದ್ವಾರ ಮಾರ್ಗವಾಗಿ ಕೆಂಪೇಗೌಡ ಬಸ್ ನಿಲ್ದಾಣ ತಲುಪಲಿದೆ.

ಈ ಎರಡು ಹೊಸ ಮಾರ್ಗಗಳ ಜೊತೆಗೆ ಕೆ.ಆರ್ ಪುರಂನಿಂದ ಬೂದಿಗೆರೆ ಬೈಚಾಪುರ ಮಾರ್ಗವಾಗಿ ದೇವನಹಳ್ಳಿಗೆ 316k ಬಸ್ ಕೂಡಾ ಇಂದಿನಿಂದಲೇ(ಅ.4) ಸಂಚಾರ ಆರಂಭಿಸಿದೆ.

English summary

New bus routes are intriduced on the eve of monthly Bus Day celebration in Banaglore. 201MD will run from JP Nagar to Domlur TTMC and 25K to KBS. BMTC is promoting Bus Day by launching new services.