ಹೆತ್ತ ಕಂದನನ್ನೇ ಏರ್ ಪೋರ್ಟಿನ ಕ.ಬು.ನಲ್ಲಿ ಬಿಸಾಕಿದ ಮಹಾ ತಾಯಿ

ಬ್ಯಾಂಕಾಕ್, ಸೆ. 15: ಇವಳಿನ್ನೆಂತಾ ಮಹಾ ತಾಯಿ!? ಪ್ರಿಯಕರನ ಜತೆ ಚಕ್ಕಂದವಾಡಲು ಹೆತ್ತ ಕಂದನನ್ನೇ ಸಾಯಿಸಿ, ಏರ್ ಪೋರ್ಟಿನ ಕಸದಬುಟ್ಟಿಯಲ್ಲಿ ಬಿಸಾಕಿ ಅವನ ಜತೆ ವಿಮಾನವೇರಿ ಹೋಗಿದ್ದಾಳೆ. 24 ವರ್ಷದ ನಾವುನಸಿರಿ ಸಮರಂಜಾಯಿ ಎಂಬ ಥಾಯ್ಲೆಂಡ್ ಮಹಿಳೆ ಇದೀಗ ಪೊಲೀಸರೆದುರು ತಪ್ಪೊಪ್ಪಿಕೊಂಡಿದ್ದಾಳೆ.

ಏನಾಯಿತೆಂದರೆ ಬ್ರಿಟನ್ನಿನ ಬಾಯ್ ಫ್ರೆಂಡ್ ಜತೆ ಸಮೂಯಿ ದ್ವೀಪಗಳಲ್ಲಿ ಸ್ವಚ್ಚಂದವಾಗಿ ಚಕ್ಕಂದವಾಡಲು ತನ್ನದೇ ಹಸುಗೂಸು ತೊಡಕಾಗಿದ್ದಾಳೆ ಎಂದು ಎಣಿಸಿದ್ದಾಳೆ. ಸರಿ ತಕ್ಷಣ ಐಡಿಯಾ ಮಾಡಿದ ಅವಳು ಮೊನ್ನೆ ಭಾನುವಾರ ಮಗುವಿನ ಕತ್ತು ಹಿಚುಕಿ, ವಿಮಾನ ನಿಲ್ದಾಣದಲ್ಲಿರುವ ಕಸದ ಬುಟ್ಟಿಗೆ ಹಾಕಿ ಶವವನ್ನು ಎಸೆದು, ವಿಮಾನೇರಿ ಪರಾರಿಯಾಗಿದ್ದಾಳೆ.

ಅಂದಹಾಗೆ, ಸಾವಿಗೀಡಾದ ಮಗು ಇವಳಿಗೆ ಬ್ರಿಟನ್ನಿನ ಮತ್ತೊಬ್ಬ ಬಾಯ್ ಫ್ರೆಂಡ್ ವರಪ್ರಸಾದ ಕರುಣಿಸಿದ್ದ. ಹೊಸ ಬಾಯ್ ಫ್ರೆಂಡ್ ಗೆ ಕೂಸು ಇರಿಸುಮುರಿಸು ತರುತ್ತದೆ ಎಂದು ಭಾವಿಸಿ, ಈ ಕುಕೃತ್ಯ ಎಸಗಿರುವುದಾಗಿ ಮಹಾತಾಯಿ ಹೇಳಿಕೊಂಡಿದ್ದಾಳೆ.

ಏರ್ ಪೋರ್ಟಿನ ಸೆಕ್ಯುರಿಟಿ ಗಾರ್ಡ್ ಕಸದಬುಟ್ಟಿಯಲ್ಲಿ ಬಿದ್ದಿದ್ದ ನವಜಾತ ಶಿಶುವಿನ ದೇಹವನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಪೊಲೀಸರು ಸಿಸಿಟಿವಿ ಮೂಲಕ ಮಹಿಳೆಯನ್ನು ಪತ್ತೆಹಚ್ಚಿದ್ದಾರೆ.

English summary

Bangkok Police say 24-year-old Thai woman Nuansiri Samranjai has confessed to killing her newborn baby then dumping her body in an airport trash bin before flying to Samui resort island with her British boyfriend on Sept 11th.