ನಿತ್ಯಾನಂದ ಸ್ವಾಮಿಗೆ ಹಾರ್ಟ್ ಪ್ರಾಬ್ಲಂ, ಆಸ್ಪತ್ರೆಗೆ ದಾಖಲು

ಬೆಂಗಳೂರು, ಆ.30: ಧ್ಯಾನ, ರಾಸಲೀಲೆಗಳನ್ನು ಸಕತ್ ಆಗಿ ಬ್ಯಾಲೆನ್ಸ್ ಮಾಡುತ್ತಿದ್ದ ಬಿಡದಿ ಧ್ಯಾನಪೀಠಂನ ಸ್ವಾಮಿ ನಿತ್ಯಾನಂದ ಅವರಿಗೆ ಎದೆನೋವು ಕಾಣಿಸಿಕೊಂಡಿದೆ. ಬಿಡದಿಯಿಂದ ನೇರವಾಗಿ ಚಂದಾಪುರ ಬಳಿಯ ನಾರಾಯಣ ಹೃದಯಾಲಯಕ್ಕೆ ಅವರನ್ನು ಕರೆದೊಯ್ಯಲಾಗಿದೆ.

ನಿತ್ಯಾನಂದ ಅವರ ಬಗ್ಗೆ ಆತಂಕ ಪಡುವ ಕಾರಣವಿಲ್ಲ. ಸ್ವಾಮಿಗಳಿಗೆ ಯಾವುದೇ ದೊಡ್ಡ ಕಾಯಿಲೆ ಬಂದಿಲ್ಲ. ನಾರಾಯಣ ಹೃದಯಾಲಯದಲ್ಲಿ ಸೂಕ್ತ ಚಿಕಿತ್ಸೆ ಕೊಡಿಸಿ ಆದಷ್ಟು ಬೇಗ ಆಶ್ರಮಕ್ಕೆ ಕರೆತರಲಾಗುವುದು ಎಂದು ಬಿಡದಿ ಆಶ್ರಮವಾಸಿಗಳು ಹೇಳಿದ್ದಾರೆ.

ಇದು ಎರಡನೆ ಬಾರಿ: ಹಿಮಾಚಲ ಪ್ರದೇಶದಿಂದ ಸಿಐಡಿ ಪೊಲೀಸರು ಬಿಡದಿಗೆ ಕರೆತಂದು ರಾಸಲೀಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿಚಾರಣೆ ನಡೆಸುವ ಸಂದರ್ಭದಲ್ಲೂ ನಿತ್ಯಾನಂದ ಅವರಿಗೆ ಎದೆನೋವು ಕಾಣಿಸಿಕೊಂಡಿತ್ತು. ಆಗ ಜಯದೇವ ಆಸ್ಪತ್ರೆಯಲ್ಲಿ ಸೂಕ್ತ ಚಿಕಿತ್ಸೆ ನೀಡಲಾಗಿತ್ತು.

ಜೂನ್ ತಿಂಗಳಲ್ಲಿ ಕುದುರೆ ಸವಾರಿ ಅಭ್ಯಾಸ ಮಾಡುತ್ತಿರಬೇಕಾದರೆ ಕೆಳಗೆ ಬಿದ್ದು, ನಿತ್ಯಾನಂದರು ಕೈ ಮುರಿದುಕೊಂಡಿದ್ದರು. ಆಮೇಲೆ ವಿಮಾನ ನಿಲ್ದಾಣ ರಸ್ತೆಯ ಮಣಿಪಾಲ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಮೂಳೆ ತಜ್ಞ ಡಾ. ರಾಜ್ ಚಕ್ರವರ್ತಿ ಅವರು ಎರಡೂ ಕೈಗಳ ಮೂಳೆಯನ್ನು ಸರಿ ಹೊಂದಿಸಿ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆ ನೆರವೇರಿಸಿದ್ದರು.

English summary

Swami Nithyananda has reportedly suffering from chest pain and has been admitted to Narayana Hrudayala, Hosur road Bangalore. It is for the second time chest pain is bothering the swamiji.