ಮಂಗಳೂರಲ್ಲಿ ಕಳ್ಳರ ಕೈಚಳಕ, ಏಳು ಅಂಗಡಿ ಲೂಟಿ

ಮಂಗಳೂರು, ಆ. 27 : ಮಂಗಳೂರು ನಗರದ ಸ್ಟೇಟ್ ಬ್ಯಾಂಕ್ ಸಮೂಪದ ಮೀನು ಮಾರುಕಟ್ಟೆಯ ವಾಣಿಜ್ಯ ಸಂಕೀರ್ಣದಲ್ಲಿ ಏಳು ಅಂಗಡಿಗಳಿಗೆ ಕಳ್ಳರು ಲಗ್ಗೆ ಹಾಕಿ ಲಕ್ಷಾಂತರ ರೂಪಾಯಿ ಮೌಲ್ಯದ ಸೊತ್ತುಗಳನ್ನು ಕಳವು ಮಾಡಿದ್ದಾರೆ.

ಫ್ಯಾನ್ಸಿ ಅಂಗಡಿ, ಟಿ.ವಿ ರಿಪೇರಿ ಅಂಗಡಿ ಹೀಗೆ ಅಲ್ಲಿದ್ದ ಅಂಗಡಿಗಳ ಶೆಟ್ಟರ್ ಕಿತ್ತು ಸಾಮಾನುಗಳನ್ನು ಕಳವು ಮಾಡಿದ್ದಾರೆ. ಹಗಲು ಹೊತ್ತು ಅತ್ಯಂತ ಜನನಿಬಿಡವಾದ ಈ ವಾಣಿಜ್ಯ ಸಂಕೀರ್ಣದ ಪಕ್ಕದಲ್ಲೇ ಬಸ್ ನಿಲ್ದಾಣವಿದೆ. ಕಳೆದ ಕೆಲವು ದಿನಗಳಿಂದ ಈ ಪರಿಸರದಲ್ಲಿ ಸರಣಿ ಕಳ್ಳತನ ನಡೆಯುತ್ತಿರುವುದಾಗಿ ಸ್ಥಳೀಯರು ಹೇಳುತ್ತಿದ್ದಾರೆ.

ಮಂಗಳೂರು ನಗರದ ಸುರತ್ಕಲ್ ನಲ್ಲಿ ಕಳೆದ ವಾರ ಇದೇ ರೀತಿಯಲ್ಲಿ ಸರಣಿ ಕಳ್ಳತನ ಪ್ರಕರಣಗಳು ನಡೆದಿದ್ದವು. ಕಳ್ಳರು ಹಗಲು ಹೂತ್ತು ಸ್ಥಳ ಪರಿಶೀಲಿಸಿ ರಾತ್ರಿಹೊತ್ತು ಕೈಚಳಕ ತೋರಿಸುತ್ತಿದ್ದಾರೆ. ಈ ಘಟನೆಗಳಿಂದಾಗಿ ವ್ಯಾಪಾರಿಗಳು ಚಿಂತೆಗೀಡಾಗಿದ್ದು, ಕೂಡಲೆ ಸೂಕ್ತ ರಕ್ಷಣೆ ಒದಗಿಸಬೇಕು ಮತ್ತು ಕಳ್ಳತನಗಳಿಗೆ ಕಡಿವಾಣ ಹಾಕಬೇಕೆಂದು ಪೊಲೀಸರನ್ನು ಕೋರಿದ್ದಾರೆ.

English summary

Series of burglaries have shocked shop owners in Mangalore. 7 shops in a commercial complex have been looted by the burglars near State Bank. Goods worth lakhs of rupees have been taken away the thieves.