ಲಂಡನ್ ಗಲಭೆ: 144 ವರ್ಷದ ಅಂಗಡಿಗೆ ಇಟ್ರಲ್ಲೋ ಬೆಂಕಿ
ಕೆಲವು ದಿನಗಳಿಂದ ಭುಗಿಲೆದ್ದಿರುವ ಹಿಂಸಾಚಾರದ ಪರಿಣಾಮ ಇಲ್ಲಿನ ಉಪನಗರ ಕ್ರಾಯ್ಡಾನ್ನಲ್ಲಿರುವ ಸುಮಾರು 144 ವರ್ಷಗಳಿಂದ ಕಾರ್ಯ ನಿರ್ವಹಿಸುತ್ತಿದ್ದ ಪೀಠೋಪಕರಣ ಮಾರಾಟ ಮಳಿಗೆ 'ಹೌಸ್ ಆಫ್ ರೀವ್ಸ್" ಮಂಗಳವಾರ ರಾತ್ರಿ ಬೆಂಕಿಗಾಹುತಿಯಾಗಿದೆ.
ನಗರದಾದ್ಯಂತ ಹಿಂಸಾಚಾರ ಹರಡಿದ್ದು, ಈ ಅಂಗಡಿಯ ಮೇಲೂ ದಾಳಿ ನಡೆಸಿದ ಗಲಭೆಕೋರರು ಮಳಿಗೆಯಲ್ಲಿದ್ದ ಬೆಲೆಬಾಳುವ ವಸ್ತುಗಳನ್ನು ಲೂಟಿ ಮಾಡಿ ಅಂಗಡಿಗೆ ಬೆಂಕಿ ಹಚ್ಚಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
'ನಾನು ಈ ಅಂಗಡಿಯನ್ನು ನಡೆಸುತ್ತಿರುವ ಐದನೆ ತಲೆಮಾರಿನವ. ನನಗೆ ಇಬ್ಬರು ಹೆಣ್ಣು ಮಕ್ಕಳಿದ್ದು ಅವರು ಆರನೆ ತಲೆಮಾರಿನವರಾಗಿದ್ದಾರೆ" ಎಂದು ಬೆಂಕಿ ಜ್ವಾಲೆಗಳಲ್ಲಿ ಬೆಂದು ಹೋಗುತ್ತಿರುವ ಅಂಗಡಿಯ ಮುಂದೆ ಅದರ ಮಾಲಕ ಗ್ರಹಾಂ ರೀವ್ಸ್ ಗದ್ಗದಿತರಾಗಿ ನುಡಿದಿದ್ದಾರೆ. 52 ವರ್ಷದ ಗ್ರಹಾಂ 35 ವರ್ಷದಿಂದ ಈ ಅಂಗಡಿಯನ್ನು ನೋಡಿಕೊಳ್ಳುತ್ತಿದ್ದಾರೆ.
'ಎಡ್ವಿನ್ ರೀವ್ಸ್ ಎಂಬವರು ಮೊದಲ ಬಾರಿಗೆ 1867ರಲ್ಲಿ ಆಗಿನ ಲಂಡನ್ನ ಪ್ರತ್ಯೇಕ ಪಟ್ಟಣವಾಗಿದ್ದ ಕ್ರಾಯ್ಡಾನ್ನಲ್ಲಿ ಅಂಗಡಿಯನ್ನು ಪ್ರಾರಂಭಿಸಿದ್ದರು. ವ್ಯಾಪಾರ ಅಭಿವೃದ್ಧಿ ಹೊಂದಿದ ಪರಿಣಾಮ ಅದು ಮುಂದಿನ ಪೀಳಿಗೆಗೂ ಹಸ್ತಾಂತರಗೊಳ್ಳುತ್ತಲೇ ಬಂದಿದೆ. ನಾನು ಈ ಅಂಗಡಿಯನ್ನೇ ಅವಲಂಬಿಸಿದ್ದು, ನನ್ನ ಜೀವನದ ಬಹುಭಾಗವನ್ನು ಇಲ್ಲೇ ಕಳೆದಿದ್ದೇನೆ. ಅಂಗಡಿಯನ್ನು ಧ್ವಂಸಗೈದಿರುವುದು ನನಗೆ ಆಘಾತ ಮೂಡಿಸಿದೆ" ಎಂದು ಗ್ರಹಾಂ ರೀವ್ಸ್ ವಿವರಿಸುತ್ತಾರೆ.
Click it and Unblock the Notifications
Sign in with Google