ಸದಾನಂದ ಗೌಡ ಅವರ ಕೋಲ್ಗೇಟ್ ನಗೆ 50 ಕೋಟಿ ರು

ಬೆಂಗಳೂರು ಜು 25: ಕರ್ನಾಟಕ ರಾಜ್ಯ ಸಿಂಹಾಸನಾಧೀಶನ ಪಟ್ಟ ಯಾರು ಏರುತ್ತಾರೆ ಎಂದು ಭರ್ಜರಿ ಬೆಟ್ಟಿಂಗ್ ನಡೆಯುತ್ತಿದೆ. ಕರ್ನಾಟಕ ಮುಖ್ಯಮಂತ್ರಿ ಯಡಿಯೂರಪ್ಪ ಅವರ ಮೇಲೆ ಒಲವು ತೋರಿದ್ದ ಬುಕ್ಕಿಗಳು ತಮ್ಮ ನಿಷ್ಠೆ ಬದಲಿಸದೆ ಮತ್ತೆ ಯಡಿಯೂರಪ್ಪ ಅವರ ಆಪ್ತ ಸದಾನಂದ ಗೌಡರತ್ತ ವಾಲಿದ್ದು ಫಲ ನೀಡಿದೆ.

ಮೂಲಗಳ ಪ್ರಕಾರ ಹೊಸ ಮುಖ್ಯಮಂತ್ರಿ ಸದಾನಂದಗೌಡರ ಎವರ್ ಗ್ರೀನ್ ಕೋಲ್ಗೇಟ್ ಸ್ಮೈಲ್ ಗೆ 50 ಕೋಟಿ ರು ಬೆಲೆ ಕಟ್ಟಲಾಗಿದೆ. ನೆನ್ನೆ ಸಂಜೆ ತನಕ ಜಗದೀಶ್ ಶೆಟ್ಟರ್ ಲೀಡ್ ನಲ್ಲಿದ್ದರು ಆದರೆ, ಯಾವಾಗ ಮಾಜಿ ಸಿಎಂ ಯಡಿಯೂರಪ್ಪ ಮತ್ತೆ ಅಧಿಕಾರಕ್ಕೆ ಬರುವ ಸೂಚನೆ ನೀಡಿದ ಮೇಲೆ ಸದಾನಂದ ಗೌಡರತ್ತ ಬುಕ್ಕಿಗಳು ಕಣ್ಣಿಟ್ಟರು ಎನ್ನಲಾಗಿದೆ.

ರಾಜಕೀಯ ಬಿಕ್ಕಟ್ಟನ್ನು ಸರಿಯಾಗಿ ಬಳಸಿಕೊಳ್ಳುತ್ತಿರುವ ಬುಕ್ಕಿಗಳು, ಸದಾನಂದ ಗೌಡ ಪರ ಮತ್ತು ವಿರೋಧ ಬೆಟ್ಟಿಂಗ್ ನಲ್ಲಿ ಮುಳುಗಿದ್ದರು. ಸದಾನಂದ ಗೌಡರ ಪರ 4-1 ಬೆಟ್ ನಡೆಯುತ್ತಿದೆ. ವಿರೋಧವಾಗಿ ಶೆಟ್ಟರ್ ಪರ 6-1ರಂತೆ ಬೆಟ್ ಕಟ್ಟುತ್ತಿದ್ದಾರೆ.

ಯಡಿಯೂರಪ್ಪ ರಾಜೀನಾಮೆ ನೀಡುವ ಮುನ್ನ 'ಮುಖ್ಯಮಂತ್ರಿ ಆಗಿ ಉಳಿಯುತ್ತಾರೆ' ಎಂದು ಬೆಟ್ಟಿಂಗ್ ಶುರುವಾದಾಗ ಪರ್ಯಾಯ ನಾಯಕತ್ವದ ವಿಷಯದಲ್ಲಿ 10-1 ಅನುಪಾತದಲ್ಲಿ ಬೆಟ್ ಸಾಗಿತ್ತು. ಆದರೆ, ಯಡಿಯೂರಪ್ಪ ಸರ್ಕಾರದ ಪತನ ನಂತರ ಬೆಟ್ಟಿಂಗ್ ಚಿತ್ರಣ ಕೂಡಾ ಬದಲಾಗಿ ಗೌಡರ ಪರ ಬುಕ್ಕಿಗಳು ಹೆಚ್ಚು ಬೆಟ್ ಕಟ್ಟಿದರು.

English summary

Bookies are catching up the crisis situation in Karnataka Politics and earning quick money. Bookies favour Yeddyurappa has already stepped down from CM post. Now Bookies favour Sadananda Gowda as Karnataka CM More than 500 crores of INR has been involved in betting business according to sources.