ಪಶ್ಚಿಮ ಬಂಗಾಳದ ಹೆಸರನ್ನೇ ಬದಲಿಸಲು ಮಮತಾ ಆಲೋಚನೆ!
ಆದರೆ ಅಕ್ಷರ ಮಾಲೆಯಲ್ಲಿ ಪಶ್ಚಿಮ ಬಂಗಾಳದ ಹೆಸರು ಎಲ್ಲಾ ರಾಜ್ಯಗಳಿಗಿಂತ ಕೆಳಗೆ ಬರುತ್ತದೆ ಎಂಬ ಕಾರಣಕ್ಕೆ ಇಡೀ ರಾಜ್ಯದ ಹೆಸರನ್ನೇ ಹೋಲ್ ಸೇಲ್ ಆಗಿ ಬದಲಿಸಲು ಮಮತಾಮಯಿದೀದಿ ನಿರ್ಧರಿಸಿದ್ದಾರೆ! ರಾಜ್ಯವನ್ನು ಮೇಲ್ಮಟ್ಟಕ್ಕೆ ಎತ್ತವುದು ಎಂದರೆ ಇದೇನೋ ಏನೋ !?
ಈ ಕುರಿತು ಇತ್ತೀಚೆಗೆ ರಾಜ್ಯ ಸಚಿವ ಸಂಪುಟದ ಸಭೆಯಲ್ಲಿ ಚರ್ಚೆ ನಡೆಸಲಾಗಿದೆ. ಇಂಗ್ಲಿಷ್ ಅಕ್ಷರಮಾಲೆಯಲ್ಲಿ ಪಶ್ಚಿಮ ಬಂಗಾಳದ (ವೆಸ್ಟ್ ಬೆಂಗಾಲ್- ಡಬ್ಲ್ಯೂ) ಹೆಸರು w ಅಕ್ಷರದಿಂದ ಆರಂಭವಾಗುತ್ತದೆ. ಆದ್ದರಿಂದ ಕೇಂದ್ರ ಸರಕಾರ ಆಯೋಜಿಸುವ ಎಲ್ಲ ಯೋಜನೆ, ಕಾರ್ಯಕ್ರಮಗಳಲ್ಲಿ ರಾಜ್ಯ ಹೆಸರು ಕೊನೆಗೆ ಬರುತ್ತಿದೆ. ಆದ್ದರಿಂದ ಹೆಸರು ಬದಲಾವಣೆಗೆ ಚಿಂತಿಸಲಾಗಿದ್ದು, ಈ ಕುರಿತು ಪ್ರಾಥಮಿಕ ಸಭೆ ನಡೆಸಲಾಗಿದೆ ಎಂದು ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪಾರ್ಥ ಚಟರ್ಜಿ ತಿಳಿಸಿದ್ದಾರೆ.
ಅಲ್ಲದೇ ಇದೊಂದು ಸೂಕ್ಷ್ಮ ವಿಷಯವಾದ್ದರಿಂದ ಎಲ್ಲ ಪಕ್ಷಗಳ ಅಭಿಪ್ರಾಯ ಕೇಳುವಂತೆ ಹಾಗೂ ಸೂಕ್ತ ಹೆಸರು ಶಿಫಾರಸು ಮಾಡುವಂತೆ ಕೋರಲಾಗುವುದು ಎಂದು ಸಿಎಂ ಮಮತಾ ಬ್ಯಾನರ್ಜಿ ಹೇಳಿದ್ದಾರೆ.
Click it and Unblock the Notifications
Sign in with Google