ವಿದ್ಯಾರ್ಥಿಯನ್ನು ಅಪಹರಿಸಿ ಮತಾಂತರಕ್ಕೆ ಯತ್ನ

ಪುತ್ತೂರು, ಜುಲೈ 2: ಪ್ರೌಢಶಾಲೆಯ ವಿದ್ಯಾರ್ಥಿಯೊಬ್ಬನನ್ನು ಅಪಹರಿಸಿ ಮತಾಂತರ ಮಾಡಲು ಯತ್ನಿಸುತ್ತಿರುವ ಆರೋಪಕ್ಕಾಗಿ ಬೆಳ್ತಂಗಡಿ ಮೂಲದ ಯುವಕನೊಬ್ಬನನ್ನು ಉಪ್ಪಿನಂಗಡಿ ಪೊಲೀಸರು ಬಂಧಿಸಿದ್ದಾರೆ. ಆಳದಂಗಡಿ ನಿವಾಸಿ ಪ್ರವೀಣ್(27) ಯಾನೆ ಲ್ಯಾನ್ಸಿ ಬಂಧಿತ. ಕಾಂಚನ ಹೈಸ್ಕೂಲಿನ ವಿದ್ಯಾರ್ಥಿ ಕಾರ್ತಿಕ್(14)ನನ್ನು ಮತಾಂತರಕ್ಕೆ ಯತ್ನಿಸಿರುವ ಆರೋಪ ಲ್ಯಾನ್ಸಿ ಮೇಲಿದೆ.

ಕಾರ್ತಿಕ್ ಕಳೆದ ವರ್ಷ ಮನೆಬಿಟ್ಟು ಕೆಲಸ ಹುಡುಕುತ್ತ ಮಂಗಳೂರಿಗೆ ಹೋಗಿದ್ದ. ಆ ಸಮಯದಲ್ಲಿ ಪರಿಚಯವಾದ ಲ್ಯಾನ್ಸಿ ಈತನನ್ನು ಕ್ರಿಶ್ಚಿಯನ್ ಧರ್ಮಕ್ಕೆ ಮತಾಂತರ ಮಾಡಲು ಯತ್ನಿಸಿದ್ದ ಎಂದು ಆಪಾದಿಸಲಾಗಿದೆ. ನಂತರ ಮಂಗಳೂರು ಬಿಟ್ಟು ಕಾರ್ತಿಕ್ ಮನೆಗೆ ಹಿಂತುರುಗಿದ್ದ.

ಆದರೆ ಕಾಂಚನ ಶಾಲೆಗೆ ಇತ್ತೀಚೆಗೆ ಹಲವು ಬಾರಿ ಲ್ಯಾನ್ಸಿ ಬಂದು ಕಾರ್ತಿಕ್ ನನ್ನು ಮತಾಂತರ ಮಾಡಲು ಯತ್ನಿಸುತ್ತಿದ್ದ. ಕಾರ್ತಿಕ್ ಗೆ ಲ್ಯಾನ್ಸಿ 50 ರು. ಮತ್ತು ಮೊಬೈಲ್ ನಂಬರ್ ನೀಡಿ ಸಂಪರ್ಕಿಸುವಂತೆ ತಿಳಿಸಿದ್ದ ಎನ್ನಲಾಗಿದೆ.

ಈತನ ಕುರಿತು ಊರವರು ಕಾರ್ತಿಕ್ ಬಳಿ ವಿಚಾರಿಸಿದಾಗ ಮತಾಂತರದ ವಿಷಯ ಬೆಳಕಿಗೆ ಬಂದಿದೆ ಎಂದು ಮೂಲಗಳು ಹೇಳಿವೆ.. ನಂತರ ಕಾರ್ತಿಕ್ ನ ತಂದೆ ಜಗದೀಶ್ ಉಪ್ಪಿನಂಗಡಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಪೊಲೀಸರು ಲ್ಯಾನ್ಸಿಯನ್ನು ಬಂಧಿಸಿದ್ದಾರೆ ಎಂದು ವರದಿಯಾಗಿದೆ.

English summary

Pravin from Aladangadi(Puttur taluk) was arrested by Uppinangady police on the allegation of abetting religious conversion.