ಅಮೆರಿಕಕ್ಕೆ ಇರುವ ಕಿಚ್ಚು ಭಾರತ ಸರ್ಕಾರಕ್ಕೆ ಏಕಿಲ್ಲ?

By * ಅರುಣ ಬಂಗೇರ, ಸುಳ್ಯ

Published: Wednesday, June 22, 2011, 10:43 [IST]

ಅಮೆರಿಕಾದ ವರ್ಲ್ಡ್ ಟ್ರೇಡ್ ಸೆಂಟರ್ ಮೇಲೆ ದಾಳಿ ನಡೆಸಿದ ಮತ್ತು ವಿಶ್ವದೆಲ್ಲೆಡೆ ಉಗ್ರವಾದ ಬಿತ್ತಿ ಪೋಷಿಸುತ್ತಿದ್ದ ಒಸಾಮ ಬಿನ್ ಲಾಡೆನ್‌ನ್ನು ಅಮೆರಿಕಾ ಸೇನೆ ಪಾಕಿಸ್ತಾನದಲ್ಲಿ ಕೊಂದು ಹಾಕಿ ಪ್ರತಿಕಾರ ತೀರಿಸಿಕೊಂಡಿದೆಯಲ್ಲದೆ ಉಗ್ರವಾದದ ಬಲವಾದ ಕೊಂಬೆಯೊಂದನ್ನು ಮುರಿದು ಹಾಕಿದೆ. ಆದರೆ ನಮ್ಮ ದೇಶದಲ್ಲಿ ಮುಂಬೈ ಮೇಲೆ ದಾಳಿ ನಡೆಸಿ ಸ್ಥಳದಲ್ಲೇ ಸಿಕ್ಕಿಬಿದ್ದ ಉಗ್ರ ಕಸಬ್‌ನನ್ನು ಮಾತ್ರ ನಮ್ಮ ಸರಕಾರಕೋಟ್ಯಂತರ ರೂಪಾಯಿ ವೆಚ್ಚ ಮಾಡಿ ಸಾಕುತ್ತಿದೆ.

ಇನ್ನು ಸಂಸತ್ತಿನ ಮೇಲೆ ದಾಳಿ ನಡೆಸಿ ಗಲ್ಲು ಶಿಕ್ಷೆಗೆ ಗುರಿಯಾಗಿರುವ ಉಗ್ರ ಅಫ್ಜಲ್ ಗುರುವಿಗೆ ಯಾಕೋ ಗಲ್ಲಿಗೇರಿಸಲು ಕೇಂದ್ರಕ್ಕೆ ಮನಸ್ಸಾಗುತ್ತಿಲ್ಲ. ಇವರ ಭದ್ರತೆಗಾಗಿ ಕೋಟ್ಯಂತರ ರೂಪಾಯಿ ಖರ್ಚು ಮಾಡಿ ಗಣ್ಯ ವ್ಯಕ್ತಿಗಳಿಗೆ ರಕ್ಷಣೆ ನೀಡುವ ರೀತಿ ಜೋಪಾನ ಮಾಡುತ್ತಿರುವುದು ನಮ್ಮ ನ್ಯಾಯಾಂಗ ವ್ಯವಸ್ಥೆಯ ಅಣಕವೋ, ಮತ ಬ್ಯಾಂಕ್ ರಾಜಕಾರಣವೋ ತಿಳಿಯದಾಗಿದೆ. ಅಮೆರಿಕಾದ ಅಮಾಯಕ ಜನರನ್ನು ಕೊಂದ ಪಾಪಿಯ ಬಗ್ಗೆ ಅಮೆರಿಕಾ ಸರಕಾರಕ್ಕಿರುವ ಕಿಚ್ಚು ಕೇಂದ್ರ ಸರಕಾರಕ್ಕೆ ಇಲ್ಲವೇ?

Published On June 22, 2011