2ಜಿ ಹಗರಣದಲ್ಲಿ ಚಿದಂಬರಂ ಸಹ ಭಾಗಿ: ಗಡ್ಕರಿ ಬಳಿ ಸಾಕ್ಷ್ಯ

ನವದೆಹಲಿ, ಜೂನ್ 9: 2ಜಿ ಪ್ರಕರಣ ಸಂಬಂಧ ಎ.ರಾಜಾ, ಕನಿಮೋಳಿ ಜೈಲು ಸೇರಿದ್ದಾಯ್ತು. ಇತ್ತೀಚೆಗೆ ದಯಾನಿಧಿ ಮಾರನ್‌ ಕೊರಳಿಗೂ ಹಗರಣ ಸುತ್ತಿಕೊಳ್ಳತೊಡಗಿದೆ. ಈಗ ಕೇಂದ್ರ ಗೃಹ ಸಚಿವ ಪಿ. ಚಿದಂಬರಂ ಅವರ ಸರದಿ. ಸ್ಪೆಕ್ಟ್ರಂ ಹಂಚಿಕೆ ಕೇಸಲ್ಲಿ ಇವರೂ ಸಹ ಭಾಗಿ ಎಂಬ ಗಂಭೀರ ಆರೋಪವೊಂದನ್ನು ಬಿಜೆಪಿ ರಾಷ್ಟ್ರಾಧ್ಯಕ್ಷ ನಿತಿನ್‌ ಗಡ್ಕರಿ ಮಾಡಿದ್ದಾರೆ.

ಖಾಸಗಿ ಸುದ್ದಿವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಈ ಆರೋಪ ಮಾಡಿರುವ ನಿತಿನ್ ಗಡ್ಕರಿ, 2ಜಿ ಪ್ರಕರಣದಲ್ಲಿ ಕೇಂದ್ರ ಸಚಿವ ಚಿದಂಬರಂ ಭಾಗಿಯಾಗಿರುವ ಕುರಿತು ತಮ್ಮಲ್ಲಿ ಸಾಕ್ಷ್ಯಗಳಿವೆ. ಶೀಘ್ರವೇ ಈ ಸಾಕ್ಷ್ಯಗಳನ್ನು ಬಹಿರಂಗ ಮಾಡಲಿರುವುದಾಗಿ ಹೇಳಿದ್ದಾರೆ.

ಈ ಸಾಕ್ಷ್ಯಗಳನ್ನು ಬಹಿರಂಗ ಮಾಡಿದ ಬಳಿಕ ಈ ಕುರಿತು ತನಿಖೆ ನಡೆಸುವಂತೆ ಸಿಬಿಐ ಅನ್ನು ಕೋರಲಾಗುವುದು. ದೇಶದ ಜನರಿಗೆ ಚಿದಂಬರಂ ಮಾಡಿರುವ ಅನ್ಯಾಯದ ಕುರಿತು ತನಿಖೆ ಆಗಲೇ ಬೇಕು ಎಂದು ಗಡ್ಕರಿ ಹೇಳಿದ್ದಾರೆ.

ಇತ್ತೀಚೆಗಷ್ಟೇ ಸಾರ್ವಜನಿಕ ಲೆಕ್ಕ ಪತ್ರ ಸಮಿತಿ ಅಧ್ಯಕ್ಷ ಮುರಳಿ ಮನೋಹರ್ ಜೋಶಿ ಕೂಡ ಚಿದಂಬರಂ ಹೆಸರನ್ನು ನೇರವಾಗಿ ಪ್ರಸ್ತಾಪಿಸದೆ, ಹಗರಣದಲ್ಲಿ ಭಾಗಿಯಾಗಿರುವ ಸಚಿವರನ್ನು ಕೈ ಬಿಡಿ ಎಂದು ಪ್ರಧಾನಿ ಸಿಂಗ್‌ಗೆ ಸವಾಲು ಹಾಕಿದ್ದರು.

English summary

Nitin Gadkari, President of Bharatiya Janata Party said in a press meet on June 8 that the Home Minister P Chidambaram is involved in 2G spectrum scam and he also has evidence against him. Gadkari said that he will soon file an FIR against the Home Minister and will ask the CBI to take necessary action against him.