ಸಚಿನ್ ತೆಂಡೂಲ್ಕರ್ 99 ಶತಕ ನಾಟೌಟ್
ನಾಗಪುರ, ಮಾ. 13: ದಾಖಲೆಯ 6ನೇ ವಿಶ್ವಕಪ್ ಆಡುತ್ತಿರುವ ಸರದಾರ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಮತ್ತೊಂದು ಐತಿಹಾಸಿಕ ಸಾಧನೆ ಬರೆದಿದ್ದಾರೆ. ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ತಮ್ಮ ಕ್ಯಾರಿಯರ್ನ 99ನೇ ಶತಕ ಬಾರಿಸಿದ್ದ ಸಚಿನ್ ಅವರಿಗಿನ್ನು ಶತಕಗಳ ಶತಕ ಸಾಧನೆ ಮಾಡಲು ಇನ್ನು ಕೇವಲ ಒಂದು ಶತಕದ ಅಗತ್ಯವಿದೆ.
ದಕ್ಷಿಣ ಆಫ್ರಿಕಾ ಬೌಲರುಗಳನ್ನು ಮನಬಂದಂತೆ ದಂಡಿಸಿದ್ದ ಸಿಡಿಲಮರಿ ಸಚಿನ್ ಏಕದಿನದ 48ನೇ ಶತಕ ದಾಖಲಿಸಿದ್ದರು. ಟೆಸ್ಟ್ನಲ್ಲಿಯೂ 51 ಶತಕ ಹೊಂದಿರುವ ಸಚಿನ್ ಒಟ್ಟು 99 ಶತಕ ಬಾರಿಸಿದ್ದಾರೆ. ಏಕದಿನ ಪಂದ್ಯಗಲಲ್ಲಿ ವಿಶ್ವದಾಖಲೆಯ ದ್ವಿಶತಕ ಸಹಿತ ಹಲವು ದಾಖಲೆಗಳನ್ನು ಸ್ಥಾಪಿಸಿರುವಸಚಿನ್ ಅವರು ತಮ್ಮ 448ನೇ ಏಕದಿನ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಮೂರು ಮನಮೋಹಕ ಸಿಕ್ಸರ್ ಸಿಡಿಸಿದ್ದ ಸಚಿನ್ ತಮ್ಮ ಒಟ್ಟು ಏಕದಿನ ಸಿಕ್ಸರುಗಳ ಸಂಖ್ಯೆಯನ್ನು 193ಕ್ಕೆ ಏರಿಸಿದ್ದರು.
ದಕ್ಷಿಣ ಆಫ್ರಿಕಾ ವಿರುದ್ಧ 2000 ರನ್ ಗಳಿಸಿರುವ ಸಚಿನ್ ಆಸ್ಟ್ರೇಲಿಯಾ ವಿರುದ್ಧ 3005 ರನ್, ಪಾಕಿಸ್ತಾನ ವಿರುದ್ಧ 2389 ರನ್ ಹಾಗೂ ಶ್ರೀಲಂಕಾ ವಿರುದ್ಧ 2965 ರನ್ ಗಳಿಸಿದ ಸಾಧನೆ ಸಚಿನ್ ಮಾಡಿದ್ದಾರೆ. ವಿಶ್ವಕಪ್ ನಲ್ಲಿ 41 ಪಂದ್ಯಗಳಿಂದ 2120 ರನ್ ಗಳಿಸಿದ್ದು ಇದು ಕೂಡಾ ದಾಖಲೆ. ಒಟ್ಟಾರೆ 448 ಪಂದ್ಯಗಳಿಂದ 17,842 ರನ್ ಗಳಿಸಿರುವ ಸಚಿನ್ 18,000ರನ್ ಗಳಿಸುವ ಸಂಭ್ರಮಕ್ಕೆ ಅಭಿಮಾನಿಗಳು ಕಾದು ಕೂತಿದ್ದಾರೆ.
Click it and Unblock the Notifications
Sign in with Google