ಬೆಂಗಳೂರಿಗರಿಗೆ ನ್ಯೂ ಇಯರ್ ಸಂಚಾರ ಸಲಹೆ

ಬೆಂಗಳೂರು, ಡಿ.31: ಹೊಸ ವರ್ಷಾಚರಣೆಯ ಸಂದರ್ಭದಲ್ಲಿ ಯಾವುದೇ ನಿರ್ಬಂಧ ಹೇರಿದರೂ ಬ್ರಿಗೇಡ್ ರಸ್ತೆ, ಎಂಜಿ ರಸ್ತೆಯಲ್ಲಿ ಡಿ.31 ಮಧ್ಯರಾತ್ರಿ ಜನಜಂಗುಳಿ ನೆರೆದು ಕುಣಿದು ಕುಪ್ಪಳಿಸುವುದು ನಗರದಲ್ಲಿ ಮಾಮೂಲಿ. ಇದಕ್ಕೆ ಪೊಲೀಸರು ಬೇಡವೆನ್ನುವುದಿಲ್ಲ. ಆದರೆ, ಸಂಚಾರ ವ್ಯವಸ್ಥೆ, ವಾಹನ ನಿಲುಗಡೆ, ಬಸ್ ವ್ಯವಸ್ಥೆ ಬಗ್ಗೆ ಜನರಿಗೆ ಈ ಕೆಳಗಿನ ಮಾಹಿತಿ ಇರಲೇಬೇಕು. ಇಲ್ಲದಿದ್ದರೆ ದಂಡ ಕಟ್ಟಬೇಕಾಗುತ್ತದೆ ಎಂದು ನಗರ ಪೊಲೀಸರು ಪ್ರಕಟಿಸಿದ್ದಾರೆ.

ವಾಹನ ನಿಲುಗಡೆ ಎಲ್ಲೆಲ್ಲಿ?: ಪೊಲೀಸ್ , ಮಾಧ್ಯಮ, ತುರ್ತುವಾಹನ ಹೊರತುಪಡಿಸಿ ಡಿ.31ರ ಸಂಜೆ 5 ಗಂಟೆಯಿಂದ ಜ.1 ರ ಮುಂಜಾನೆ 3 ಗಂಟೆವರೆಗೆ ಈ ಕೆಳಗಿನ ರಸ್ತೆಗಳಲ್ಲಿ ವಾಹನ ನಿಲುಗಡೆಗೆ ನಿಷೇಧ ಹೇರಲಾಗಿದೆ.

ಪಾದಚಾರಿಗಳಿಗೆ ಮಾರ್ಗಸೂಚಿ: ಎಂಜಿ ರಸ್ತೆ ಜಂಕ್ಷನ್ ನಿಂದ ಒಪೆರಾ ಜಂಕ್ಷನ್ ಮೂಲಕ ಬ್ರಿಗೇಡ್ ರಸ್ತೆ ತಲುಪಹುದು. ಮತ್ತೆ ಅದೇ ರಸ್ತೆಯಲ್ಲಿ ಮರಳುವಂತಿಲ್ಲ. ರೆಸಿಡೆನ್ಸಿ ರಸ್ತೆ ಮುಖಾಂತರ ಎಂಜಿ ರಸ್ತೆ ತಲುಪಬಹುದು.

ಮಧ್ಯರಾತ್ರಿ ಬಸ್ ವ್ಯವಸ್ಥೆ : ಡಿ.31 ರ ಮಧ್ಯರಾತ್ರಿ 1 ಗಂಟೆವರೆಗೂ ಸಂಭ್ರಮಾಚರಣೆಗೆ ಪೊಲೀಸರು ಅವಕಾಶ ಕಲ್ಪಿಸಿದ್ದಾರೆ. ಮದ್ಯ ಸೇವಿಸಿ ಮತ್ತಿನಲ್ಲಿ ವಾಹನ ಚಾಲನೆ ಮಾಡುವ ಬದಲು, ಚಾಲಕರೊಬ್ಬರನ್ನು ಜೊತೆಗೆ ಕರೆದೊಯ್ಯುವಂತೆ ಪೊಲೀಸ್ ಇಲಾಖೆ ಸೂಚಿಸಿದೆ.

ಡಿ.31 ರಂದು ಎಂಜಿ ರಸ್ತೆ ಹಾಗೂ ಸುತ್ತಮುತ್ತಲಿನ ಪ್ರದೇಶದಿಂದ ಮನೆಗಳಿಗೆ ತೆರಳುವವರಿಗೆ ಬಿಎಂಟಿಸಿ ಮಧ್ಯರಾತ್ರಿ ಬಸ್ ವ್ಯವಸ್ಥೆ ಮಾಡಿದೆ. ಬಿಗ್ 10 ಬಸ್ ವ್ಯವಸ್ಥೆ ರಾತ್ರಿ 10.30 ರಿಂದ ತಡರಾತ್ರಿ 1 ಗಂಟೆವರೆಗೆ ಸಂಚರಿಸಲಿದೆ. ರಾತ್ರಿ 11 ಗಂಟೆ ನಂತರ ಪ್ರಯಾಣ ದರ 20 ರು ಆಗಲಿದೆ.

ಸ್ವಂತ ವಾಹನದಲ್ಲಿ ಬಂದು ಕಷ್ಟಪಡುವುದಕ್ಕಿಂತ ಬಿಎಂಟಿಸಿ ವಾಹನ ಬಳಸಿದರೆ ಅಪಾಯ ಇರುವುದಿಲ್ಲ. ಸಾರ್ವಜನಿಕ ಸೇವೆಯನ್ನು ಬಳಸುವಂತೆ ಬೆಂಗಳೂರು ನಗರ ಸಾರಿಗೆ ಸಂಸ್ಥೆ ಕೋರಿದೆ. [ಹೊಸ ವರ್ಷ]

English summary

On the eve of New Year Celebration Bengaluru traffic police have imposed many restrictions and diversion areas around MG road and Brigade road. BMTC to run mid night bus service on Dec.31 from MG road to various parts of the city.