ಸೀರೆಯುಟ್ಟ ಮೀರಾರನ್ನು ಅವಮಾನಿಸಿದ ಯುಎಸ್

ವಾಷಿಂಗ್ಟನ್, ಡಿ.9: ಅಮೆರಿಕದಲ್ಲಿ ಭಾರತದ ರಾಯಭಾರಿಯಾಗಿರುವ ಮೀರಾಶಂಕರ್ ಅವರನ್ನು ಇಲ್ಲಿನ ವಿಮಾನ ನಿಲ್ದಾಣದ ಸಿಬ್ಬಂದಿ ಅವಮಾನಿಸಿದ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ. ತಮ್ಮ ರಾಜತಾಂತ್ರಿಕ ಸ್ಥಾನಮಾನದ ಬಗ್ಗೆ ಸಿಬ್ಬಂದಿಗೆ ಮೀರಾ ತಿಳಿಸಿದರೂ ಭದ್ರತಾ ಸಿಬ್ಬಂದಿ ಆಕೆಯನ್ನು ಎಳೆದೊಯ್ದು ತಪಾಸಣೆ ನಡೆಸಿದ ಘಟನೆ ನಡೆದಿದೆ. [

]

ಮಿಸಿಸಿಪ್ಪಿ ಸ್ಟೇಟ್ ಯೂನಿವರ್ಸಿಟಿ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಬಳಿಕ ಬಾಲ್ಟಿಮೋರ್ ಗೆ ಹೊರಟ್ಟಿದ್ದ ಮೀರಾ ಅವರು ಇಲ್ಲಿನ ಜಾಕ್ಸನ್ ಎವರ್ಸ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದಾಗ ಅವರನ್ನು ಅಪಮಾನಿಸಲಾಗಿದೆ.

ಸೀರೆ ಧರಿಸಿದ್ದೇ ಕಾರಣವೇ?: ಸೀರೆ ಧರಿಸಿದ್ದ ಮೀರಾ ಅವರನ್ನು ಅತಿಗಣ್ಯರ ಕೊಠಡಿಗೆ ಕರೆದೊಯ್ದು ಕೂಲಂಕುಷವಾಗಿ ದೈಹಿಕ ತಪಾಸಣೆಗೆ ಒಳಪಡಿಸಲಾಯಿತು ಎಂದು ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ. ಪೂರ್ತಿ ದೇಹ ಸ್ಕ್ಯಾನ್ ಮಾಡುವ ಯಂತ್ರವನ್ನು ಈ ವಿಮಾನ ನಿಲ್ದಾಣ ಹೊಂದಿಲ್ಲ. ಅಲ್ಲದೆ, ಆಕೆ ಧರಿಸಿದ್ದ ಉಡುಪು ಅನುಮಾನಕ್ಕೆ ಕಾರಣವಾಯಿತು ಹಾಗಾಗಿ ತಪಾಸಣೆಗೆ ಒಳಪಡಿಸಬೇಕಾಯಿತು ಎಂದು ಭದ್ರತಾ ಸಿಬ್ಬಂದಿ ಹೇಳಿದ್ದಾರೆ.

ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್ ಎಂ ಕೃಷ್ಣ ಅವರು ಈ ಪ್ರಕರಣ ಕುರಿತಂತೆ ಅಮೆರಿಕದ ಸ್ಪಷ್ಟನೆ ಕೇಳಿದ್ದಾರೆ. ಇಂತಹ ಘಟನೆ ಭಾರತದ ಪಾಲಿಗೆ ಅಪಮಾನಕರ ಎಂದು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

English summary

Indian Ambassador to the U.S. Meera Shankar was pulled from an airport security line and patted down by an American security agent in Mississippi despite being told of her diplomatic status. The incident took place at the Jackson-Evers International Airport.