ಏಳನೇ ಮಹಡಿಯಿಂದ ಬಿದ್ದು ಅಸುನೀಗಿದ ಬಾಲಕ

ಬೆಂಗಳೂರು, ನ. 18 : ವಿದೇಶಿ ಮೂಲದ 13 ವರ್ಷದ ಬಾಲಕನೊಬ್ಬ ಕನ್ನಿಂಗ್ ಹ್ಯಾಮ್ ರಸ್ತೆಯಲ್ಲಿನ ಅಪಾರ್ಟ್ ಮೆಂಟಿನ ಏಳನೇ ಮಹಡಿಯಿಂದ ಆಕಸ್ಮಿಕವಾಗಿ ಬಿದ್ದು ಅಸುನೀಗಿದ ಘಟನೆ ಇಂದು ಜರುಗಿದೆ.

ಮೃತನನ್ನು ಅಲನ್ ಜಾನ್ ವಾಂಜೆನ್ ಬರಾಜಾ ಎಂದು ಗುರುತಿಸಲಾಗಿದೆ. ಯಲಹಂಕದ ಅಂತಾರಾಷ್ಟ್ರೀಯ ಶಾಲೆಯೊಂದರಲ್ಲಿ ಆರನೇ ತರಗತಿಯಲ್ಲಿ ಓದುತ್ತಿರುವ ಅಲನ್ ವಾಸವಿರುವ ಅಪಾರ್ಟ್ ಮೆಂಟಿನ 7ನೇ ಮಹಡಿಯಲ್ಲಿ ಆಟವಾಡುತ್ತಿದ್ದಾಗ ಅಕಸ್ಮಾತಾಗಿ ಕಾಲುಜಾರಿ ಬಿದ್ದಿದ್ದಾನೆ.

ಬಾಲಕನ ತಂದೆ ಜರ್ಮನಿಯಲ್ಲಿ ಪ್ರೊಫೆಸರಾಗಿದ್ದಾರೆ. ತಾಯಿ ಚಿಲಿ ಮೂಲದವಳು. ಅಲನ್ ಈ ದಂಪತಿಗಳ ಏಕೈಕ ಮಗ. ಅವನನ್ನು ಕೂಡಲೆ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಆಸ್ಪತ್ರೆ ತಲುಪುವಾಗಲೇ ನಿಧನಹೊಂದಿದ್ದಾನೆ. ಈತ ತನ್ನ ತಾಯಿ ಸಾಂಡ್ರಾ ಬಜಾರಾಳೊಂದಿಗೆ ಕಳೆದ 1 ವರ್ಷದಿಂದ ಬೆಂಗಳೂರಿನಲ್ಲಿ ವಾಸವಾಗಿದ್ದ.