ಆಂಡ್ರ್ಯಾಡ್ ಮೊಬೈಲ್ ಜಗತ್ತಿಗೆ ತೋಷಿಬಾ ಎಂಟ್ರಿ

ಟೋಕಿಯೋ, ನ.15: ಜಪಾನ್ ಮೂಲದ ಎಲೆಕ್ಟ್ರಾನಿಕ್ ಉದ್ಯಮ ಸಂಸ್ಥೆ ತೋಷಿಬಾ, ಆಂಡ್ರ್ಯಾಡ್ ಮೊಬೈಲ್ ಮಾರುಕಟ್ಟೆಗೆ ಅಧಿಕೃತವಾಗಿ ಪ್ರವೇಸಿಸಿದೆ. Regza T-01C ಎಂಬ ಆಂಡ್ರ್ಯಾಡ್ ಆಧಾರಿತ ಮೊಬೈಲ್ ಫೋನ್ ಅನ್ನು ಪರಿಚಯಿಸುತ್ತಿದೆ.

ಎಲ್ಲಾ ಸ್ಮಾರ್ಟ್ ಫೋನ್ ಗಳಿಗಿಂತ ಕೊಂಚ ಭಿನ್ನವಾದ ಆಲೋಚನೆಯೊಂದಿಗೆ ಮಾರುಕಟ್ಟೆ ಪ್ರವೇಶಿಸುತ್ತಿರುವ ತೋಷಿಬಾ, ಮನರಂಜನೆಗೆ ಒತ್ತು ನೀಡಿದೆ. Regza T-01C ಮೊಬೈಲ್ ಫೋನ್ ನಲ್ಲಿ 4 ಇಂಚು ಟಚ್ ಸ್ಕ್ರೀನ್ ಇದ್ದು, 480 x 854 ರಿಸ್ಯೂಲೂಷನ್ ಹೊಂದಿದೆ. ಇದಕ್ಕೆ ಪೂರಕವಾಗಿ ಡಿಜಿಟಲ್ ಟಿವಿ ಟ್ಯೂನರ್ ಇದ್ದು, ಉತ್ತಮ ಗುಣಮಟ್ಟದ ಟಿವಿ ವಾಹಿನಿಗಳನ್ನು ಮೊಬೈಲ್ ನಲ್ಲಿ ವೀಕ್ಷಿಸಬಹುದು.

ಸುಮಾರು 149 ಗ್ರಾಂ ತೂಕುವ ಮೊಬೈಲ್ ನ ಇನ್ನೊಂದು ವಿಶೇಷತೆ ಎಂದರೆ 12.2 ಮೆಗಾ ಪಿಕ್ಸಲ್ ಕೆಮೆರಾ. ಬಹುಶಃ ನೋಕಿಯಾ ಎನ್ 8 ನಲ್ಲಿ 12 MP ಕೆಮೆರಾ ಇರುವುದು ಬಿಟ್ಟರೆ ಇನ್ನ್ಯಾವುದೇ ಸ್ಮಾರ್ಟ್ ಫೋನ್ ಗಳಲ್ಲಿ ಈ ಪರಿ ಕೆಮೆರಾ ಇಲ್ಲ. ತೋಷಿಬಾ ಮೊಬೈಲ್ ಬಳಸಿ 720p HD ವಿಡಿಯೋ ಕೂಡಾ ಚಿತ್ರೀಕರಿಸಬಹುದು.

ಸದ್ಯಕ್ಕೆ ಆಂಡ್ರ್ಯಾಡ್ 2.1 ಆವೃತ್ತಿ ಆಪರೇಟಿಂಗ್ ಸಿಸ್ಟಮ್ ಇದ್ದು, ಶೀಘ್ರದಲ್ಲೇ ಸುಧಾರಿತ ತಂತ್ರಾಂಶ ಗ್ರಾಹಕರಿಗೆ ಲಭ್ಯವಾಗಲಿದೆ, ಬ್ಲೂಟೂಥ್ 2.1, ಫೆಲಿಕಾ ಇ ವ್ಯಾಲೆಟ್ ಹಾಗೂ ವೈ-ಫೈ ಕೂಡಾ ಇದೆ.

ತೋಷಿಬಾ ಸಂಸ್ಥೆಯ ಬಹು ನಿರೀಕ್ಷಿತ REGZA T-01C ಮೊಬೈಲ್ 2010ರ ಡಿಸೆಂಬರ್ ಅಥವಾ 2011ರ ಜನವರಿಯಲ್ಲಿ ಜಪಾನ್ ಮಾರುಕಟ್ಟೆ ಪ್ರವೇಶಿಸುವ ಸಾಧ್ಯತೆಯಿದೆ. ಆದರೆ ಅಂತಾರಾಷ್ಟ್ರೀಯ ಮಾರುಕಟ್ಟೆ ಪ್ರವೇಶದ ಬಗ್ಗೆ ಯಾವುದೇ ಅಧಿಕೃತ ಪ್ರಕಟಣೆ ಹೊರಬಿದ್ದಿಲ್ಲ. ಹಾಗೂ ಈ ಮೊಬೈಲ್ ಫೋನ್ ನ ಬೆಲೆಯನ್ನೂ ಇನ್ನೂ ಸಂಸ್ಥೆ ಪ್ರಕಟಿಸಿಲ್ಲ.

English summary

Japan based electronics manufacturer, Toshiba has announced the launch of new Android based mobile phone, Regza T-01C. The Toshiba REGZA T-01C is expected to hit the market by Dec 2010 or Jan 2011. This phones availability and price in India are yet announced.