ರಾಜ್ಯಾಧ್ಯಕ್ಷರ ಆಯ್ಕೆ ಸೋನಿಯಾ ನಿರ್ಣಯ ಅಂತಿಮ

ನವದೆಹಲಿ, ಸೆ.14: ಕೆಪಿಸಿಸಿ ಅಧ್ಯಕ್ಷ ಸ್ಥಾನಕ್ಕೆ ಚುನಾವಣೆ ನಡೆಯುವ ಸುದ್ದಿಯ ಬೆನ್ನಲ್ಲೇ ಇತರೆ ರಾಜ್ಯಗಳಲ್ಲಿನ ಕಾಂಗ್ರೆಸ್ ಕಮಿಟಿ ಯಲ್ಲಿನ ಆಯ್ಕೆ ಗೊಂದಲ ಕೊಂಚ ತಿಳಿಗೊಂಡಿರುವುದು ಕಂಡು ಬಂದಿದೆ. ಹರ್ಯಾಣ, ಉತ್ತರಪ್ರದೇಶ ಸೇರಿದಂತೆ ಕೆಲ ರಾಜ್ಯಗಳ ಅಧ್ಯಕ್ಷರ ಆಯ್ಕೆ ಹೊಣೆಗಾರಿಕೆಯನ್ನು ಸೋನಿಯಾ ಮೇಡಂ ಹೆಗಲೇರಿದೆ.

ಹರ್ಯಾಣ, ಹಿಮಾಚಲ ಪ್ರದೇಶ, ಉತ್ತರಾಖಂಡ್ ಕಾಂಗ್ರೆಸ್‌ನ ಅಧ್ಯಕ್ಷ ಸ್ಥಾನ ಆಯ್ಕೆ ಯ ಜೊತೆಗೆ ಇದೀಗ ಮಹಾರಾಷ್ಟ್ರ, ಗೋವಾ ಹಾಗೂ ಉತ್ತರ ಪ್ರದೇಶದ ಅಧ್ಯಕ್ಷರನ್ನು ಕೂಡಾ ಸೋನಿಯಾಜಿ ಆಯ್ಕೆ ಮಾಡಬೇಕಾಗಿದೆ.

ಉತ್ತರ ಪ್ರದೇಶ ಕಾಂಗ್ರೆಸ್ ಕಚೇರಿಯಲ್ಲಿ ನಡೆದ ಪಕ್ಷದ ರಾಜ್ಯ ಸದಸ್ಯರ ಪದಗ್ರಹಣ ಸಮಾರಂಭದ ನಂತರ ಮಾತನಾಡಿದ ರಾಜ್ಯದ ಉಸ್ತುವಾರಿ ವಹಿಸಿಕೊಂಡಿರುವ ದಿಗ್ವಿಜಯ್ ಸಿಂಗ್, ರಾಜ್ಯಾಧ್ಯಕ್ಷರ ಆಯ್ಕೆ ವಿಚಾರ ಸೋನಿಯಾಜಿ ಅವರ ಕೈಲಿದೆ ಎಂದರು.