ರಕ್ಷಣಾ ರಂಗ ಪ್ರವೇಶಿಸಲು ವಿಪ್ರೋಗೆ ಅನುಮತಿ

ನವದೆಹಲಿ, ಆ.18: ಬೆಂಗಳೂರು ಮೂಲದ ಸಾಫ್ಟ್ ವೇರ್ ಕಂಪೆನಿ ವಿಪ್ರೋ ರಕ್ಷಣಾ ಉದ್ಯಮ ಪ್ರವೇಶಿಸಲು ಸರ್ಕಾರ ಅನುಮತಿ ನೀಡಿದೆ.

ವಿದೇಶಿ ಹೂಡಿಕೆ ಉತ್ತೇಜನ ಮಂಡಳಿ ವಿಪ್ರೋ ರಕ್ಷಣ ರಂಗದ ಸಾಫ್ಟ್ ವೇರ್ ವಿನ್ಯಾಸ, ಅಭಿವೃದ್ಧಿ, ಉತ್ಪಾದನೆ ಮಾಡಲು ಅನುಮತಿ ನೀಡಿದ್ದು ಇದನ್ನು ಹಣಕಾಸು ಸಚಿವಾಯದ ಅನುಮೋದನೆಗಾಗಿ ಸಲ್ಲಿಸಿದೆ.

ಈ ಬೆಳವಣಿಗೆ ಮಹತ್ತ್ವದ್ದಾಗಿದ್ದು ಖಾಸಗೀ ಕಂಪೆನಿಗಳು ರಕ್ಷಣಾ ರಂಗ ಪ್ರವೇಶಿಸಲು ಅನುಮೋದನೆ ನೀಡುವ ಕುರಿತು ಅಸ್ಪಷ್ಟತೆ ಇತ್ತು. ಇದಕ್ಕಾಗಿ ಕೈಗಾರಿಕಾ ನೀತಿ ಮತ್ತು ಉತ್ತೇಜನಾ ಇಲಾಖೆ, ಮತ್ತು ರಕ್ಷಣಾ ಇಲಾಖೆಗೆ ಸ್ಪಷ್ಟನೆ ಕೋರಲಾಗಿತ್ತು.

ಅಲ್ಲದೆ ಈ ಪ್ರಸ್ತಾವನೆ ರಕ್ಷಣಾ ಉದ್ಯಮದಲ್ಲಿ ವಿದೇಶಿ ನೇರ ಬಂಡವಾಳ ಹೂಡಿಕೆ ಮಿತಿ ಶೇ 26ಕ್ಕೂ ಅನ್ವಯಿಸುತಿತ್ತು. ಏಕೆಂದರೆ ವಿಪ್ರೋದಲ್ಲಿ ವಿದೇಶಿ ಸಾಂಸ್ಥಿಕ ಹೂಡಿಕೆ ಶೇ 9.8 ಇರುವುದರಿಂದ ವಿದೇಶಿ ಹೂಡಿಕೆ ಉತ್ತೇಜನ ಮಂಡಳಿಯ ಅನುಮತಿ ಪಡೆಯುವಂತೆ ಸೂಚಿಸಲಾಗಿತ್ತು.

ಆದರೆ ಪ್ರತ್ಯೇಕ ನಿಯಮಾವಳಿಗಳ ಪ್ರಕಾರ ಈ ಕಂಪೆನಿಗಳಿಗೆ ವಿದೇಶಿ ಹೂಡಿಕೆ ಶೇ.26 ಕ್ಕಿಂತ ಜಾಸ್ತಿ ಇರಬಾರದು. ಆರ್ಥಿಕ ವ್ಯವಹಾರಗಳ ಇಲಾಖೆ ಮತ್ತು ರಕ್ಷಣಾ ಇಲಾಖೆ ವಿಪ್ರೋ ರಕ್ಷಣಾ ಉದ್ಯಮ ಪ್ರವೇಶಿಸಲು ಒಪ್ಪಿಗೆ ನೀಡಿವೆ.