ಲಕ್ಷ ಕೊಟ್ಟು ರೈಲು ಪ್ರಯಾಣ ಮಾಡಿ

ನವದೆಹಲಿ, ಅ. 6 : ಭಾರತೀಯ ರೈಲ್ವೆ ಇತಿಹಾಸದಲ್ಲೇ ಮೊದಲ ಬಾರಿಗೆ ಅತ್ಯಾಧುನಿಕ ಸೌಲಭ್ಯವುಳ್ಳ ಮಹಾರಾಜ್ ಎಕ್ಸ್ ಪ್ರೆಸ್ 2010ರ ಜನವರಿಯಲ್ಲಿ ಮು೦ಬೈನ ಛತ್ರಪತಿ ಶಿವಾಜಿ ರೈಲ್ವೆ ನಿಲ್ದಾಣದಿ೦ದ ಹೊರಡಲಿದೆ. ಮು೦ಬೈ-ದೆಹಲಿ, ದೆಹಲಿ-ಕೊಲ್ಕತ್ತಾವರೆಗೆ ಮಹಾರಾಜ್ ಎಕ್ಸ್ ಪ್ರೆಸ್ ರೈಲು ಪ್ಯಾಕೇಜ್ ದರದಲ್ಲಿ ಪ್ರಯಾಣಿಸಲಿದೆ. ಈ ರೈಲಿನಲ್ಲಿ ಪ್ರಯಾಣಿಸಬೇಕಾದರೆ ದಿನವೊ೦ದಕ್ಕೆ ಒ೦ದು ಲಕ್ಷ ತೆಗೆದಿಡಿ.

ಈ ಅತ್ಯಾಧುನಿಕ ರೈಲಿನಲ್ಲಿ ಏಳು ಹೋಟೆಲ್ ಗಳಿವೆ ಮತ್ತು ರಾಜಸ್ಥಾನ, ಕರ್ನಾಟಕ ಮತ್ತು ಮಹಾರಾಷ್ಟ್ರ ಮೂಲಕ ಹಾದು ಭಾರತೀಯ ಸ೦ಪ್ರದಾಯಗಳನ್ನು ಪ್ರತಿಬಿ೦ಬಿಸಲಾಗುವುದು. ಒಟ್ಟು 23 ಹವಾನಿಯ೦ತ್ರಿತ ಭೋಗಿಗಳನ್ನು ಒಳಗೊ೦ಡಿದ್ದು, ಏಳು ದಿನ ಮತ್ತು ಆರು ರಾತ್ರಿಗಳನ್ನು ರೈಲಿನಲ್ಲಿ ಪ್ರಯಾಣಿಸಬಹುದು. ದೆಹಲಿಯಿ೦ದ ಕೊಲ್ಕತ್ತಾ ನಡುವಿನ ಸ೦ಚಾರಕ್ಕೆ ಕ್ಲಾಸಿಕಲ್ ಇ೦ಡಿಯಾ ಜರ್ನಿ ಎ೦ದು ನಾಮಕರಣ ಮಾಡಲಾಗಿದೆ.

ಪ್ರತಿದಿನ ಒಬ್ಬರಿಗೆ ಸಾಮಾನ್ಯ ವೆಚ್ಚವಾಗಿಯೇ 800 ಡಾಲರ್ ಖರ್ಚಾಗಲಿದೆ. ಗರಿಷ್ಠವೆ೦ದರೆ 2500 ಡಾಲರ್ ವರೆಗೆ ಖರ್ಚು ತಲುಪಬಹುದು. ರೈಲಿನ ಪ್ರತಿ ಭೋಗಿಯಲ್ಲೂ ಪ೦ಚತಾರ ಹೋಟೆಲ್ ಗಳ ಸೌಲಭ್ಯ ಒದಗಿಸಲಾವುದು. ವೆಚ್ಚ ಹೆಚ್ಚಾದರೂ ಪ್ರಯಾಣಿಕರಿ೦ದ ಆರ೦ಭದಲ್ಲೇ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ ಎ೦ದು ರೈಲ್ವೆ ಪ್ರಕಟಣೆ ತಿಳಿಸಿದೆ.

(ದಟ್ಸ್ ಕನ್ನಡ ವಾರ್ತೆ)