ವೆಬ್ ಸೈಟಿನಲ್ಲಿ ಕಲ್ಪವಾಸಿ ಕುಂಭಮೇಳ

ಬೆಂಗಳೂರು, ಆ. 27 : ಜಗತ್ತಿನ ಮೂಲೆಮೂಲೆಗಳಿಂದ ಭಕ್ತರನ್ನು, ಪ್ರಯಾಣಿಕರನ್ನು ಆಕರ್ಷಿಸುವ ಕುಂಭಮೇಳದ ಬಗ್ಗೆ ಸಮಗ್ರ ಮಾಹಿತಿ ಮತ್ತು ಚಿತ್ರಗಳನ್ನು ಪ್ರಕಟಿಸುವ ಮೂಲಕ ಹಿಂದೂ ನಂಬಿಕೆಗಳ ಮೇಲೆ ಹೊಸ ಬೆಳಕು ಚೆಲ್ಲುವ ಅಂತರ್ ಜಾಲ ತಾಣವೊಂದು ಕಣ್ಣುತೆರೆದಿದೆ. ಈ ವೆಬ್ ಸೈಟ್ ಆಗಸ್ಟ್ 26ರಂದು ಆರಂಭವಾಯಿತು. ವೆಬ್ ವಿಳಾಸ Kalpavasi.com

ಕುಂಭಮೇಳದಲ್ಲಿ ಪಾಲ್ಗೊಳ್ಳುವ ಭಕ್ತ ಸಮುದಾಯಕ್ಕೆ, ವಿಶೇಷವಾಗಿ ವಿದೇಶೀ ಪ್ರಯಾಣಿಕರಿಗೆ ಕರಾರುವಾಕ್ಕಾದ ಮಾಹಿತಿ ಕೊಡುವ ಉದ್ದೇಶವನ್ನು ಕಲ್ಪವಾಸಿ ಹೊಂದಿದೆ. ಕಲ್ಪವಾಸಿಯ ಮಹತ್ವವನ್ನು ತಿಳಿಸುವುದಲ್ಲದೆ, ವಿಜ್ಞಾನಕ್ಕೂ ಕುಂಭ ಮೇಳಕ್ಕೂ ಇರುವ ಸಂಬಂಧವನ್ನು ವೈಜ್ಞಾನಿಕವಾಗಿ ಪ್ರಚುರಪಡಿಸುವ ಪ್ರಯತ್ನವನ್ನು ವೆಬ್ ಸೈಟಿನಲ್ಲಿ ಮಾಡಲಾಗಿದೆ.

ಸಮಾಜಶಾಸ್ತ್ರಜ್ಞರು, ಪುರಾಣೇತಿಹಾಸಕಾರರು, ಪುರಾತತ್ವ ಸಂಶೋಧಕರ ಹತ್ತು ವರ್ಷಗಳ ಅಧ್ಯಯನ ಮತ್ತು ಪರಿಶ್ರಮದ ಫಲವೇ ಕಲ್ಪವಾಸಿ ಡಾಟ್ ಕಾಂ. ಈ ವೆಬ್ ಮಾಹಿತಿಯನ್ನು ಆಸಕ್ತರಿಗೆ ತಲುಪಿಸುವುದಕ್ಕೆ ಯುವಕರ ಬೆಂಬಲ ಮತ್ತು ಹಿರಿಯರ ಆಶೀರ್ವಾದವನ್ನು ಬೇಡಿದ್ದಾರೆ ಸ್ಟೂಡಿಯೋ ರಾಮ ಇಂಡಿಯ ಲಿಮಿಟೆಡ್ ಸಂಸ್ಥೆಯ ಆಡಳಿತ ನಿರ್ದೇಶಕ ಡಾ.ಮನೀಶ್ ಮೋಕ್ಷಗುಂಡಂ.

(ದಟ್ಸ್ ಕನ್ನಡವಾರ್ತೆ)