ಅಮೆರಿಕದ ಸೊಕ್ಕಡಗಿಸುತ್ತೇವೆ : ಅಲ್ ಖೈದಾ

ದುಬೈ, ಜೂ. 22 : ಅಮೆರಿಕದೊಂದಿಗೆ ಹೋರಾಟಕ್ಕೆ ಇಳಿದಿರುವ ಅಲ್ ಖೈದಾ ಉಗ್ರ ಸಂಘಟನೆ ಪಾಕಿಸ್ತಾನದ ಪರಮಾಣು ಶಸ್ತ್ರಾಸ್ತಗಳನ್ನು ಬಳಸಿಕೊಳ್ಳುವ ಸಾಧ್ಯತೆಗಳಿವೆ. ಈ ಕುರಿತು ಆಲ್ ಜಜೀರಾ ಚಾನೆಲ್ ವೊಂದಕ್ಕೆ ಸಂದರ್ಶನದ ನೀಡಿದ ಅಲ್ ಖೈದಾ ಸಂಘಟನೆಯ ಅಪಘಾನಿಸ್ತಾನದ ಮುಖ್ಯಸ್ಥ ಮುಸ್ತಪಾ ಅಬು ಅಲ್ ಯಾಜೀದ್ ಭಾನುವಾರ ತಿಳಿಸಿದ್ದಾರೆ ಎಂದು ವರದಿಯಾಗಿದೆ.

ಪಾಕಿಸ್ತಾನ ಸರಕಾರದಲ್ಲಿ ಶೇಖರಿಸಿಟ್ಟಿರುವ ಪರಮಾಣು ಶಸ್ತ್ರಾಸ್ತ್ರಗಳನ್ನು ನಾವು ಬಳಸಿಕೊಳ್ಳುತ್ತೇವೆ. ನಮ್ಮ ವೈರಿ ಅಮೆರಿಕದ ಮೇಲೆ ನಾವು ಸಾರಿರುವ ಯುದ್ಧಕ್ಕಾಗಿ ಅವುಗಳನ್ನು ಬಳಸಿಕೊಳ್ಳಬೇಕಾಗಿದೆ. ಜಿಹಾದಿಗಳ ಹೆಡೆ ತುಳಿದ ಅಮೆರಿಕ ದೊಡ್ಡ ತಪ್ಪು ಮಾಡಿದೆ. ಉಪ್ಪು ತಿಂದ ಮೇಲೆ ನೀರು ಕುಡಿಯಲೇ ಬೇಕು. ಜಿಹಾದ್ ಗಳ ಮೇಲೆ ಅಮೆರಿಕ ಅನ್ಯಾಯ ಎಸಗತೊಡಗಿದೆ. ಅದಕ್ಕೆ ತಕ್ಕೆ ಬೆಲೆ ಅದು ತೆರೆಲೇಬೇಕು ಎಂದು ಯಾಜೀದ್ ಎಚ್ಚರಿಕೆ ನೀಡಿದ್ದಾರೆ.

ಅಮೆರಿಕದ ಪ್ರಚೋದನೆಯಿಂದ ಪಾಕಿಸ್ತಾನದ ಸರಕಾರ ತಾಲಿಬಾನ್ ಗಳು ನೆಲೆಸಿರುವ ಸ್ವಾತ್ ಪ್ರದೇಶದಲ್ಲಿ ಸೈನಿಕ ಕಾರ್ಯಾಚರಣೆ ಆರಂಭಿಸಿದೆ. ಇದರಲ್ಲಿ ತಾಲಿಬಾನ್ ಗಳು ಜಯಭೇರಿ ಬಾರಿಸುತ್ತಾರೆ. ಪಾಕ್ ಸರಕಾರ ಇದಕ್ಕೆ ಈಗಾಗಲೇ ಅನೇಕ ಸಮಸ್ಯೆಗಳನ್ನು ಎದುರಿಸತೊಡಗಿದೆ. ಮುಂದೆ ಇನ್ನಷ್ಟು ಭೀಕರ ಸಮಸ್ಯೆಗಳನ್ನು ಪಾಕ್ ಎದುರಿಸಲಿದೆ ಎಂದು ಅವರು ಹೇಳಿದರು.

(ಏಜನ್ಸೀಸ್)