ಭಾರತ ಟಿ20ವಿಶ್ವಕಪ್ ನಿಂದ ಹೊರಕ್ಕೆ

ಲಾರ್ಡ್ಸ್ ಜೂ 15: ಗೆಲ್ಲಲೇ ಬೇಕಾದ ಪಂದ್ಯವನ್ನು ಕೈಚೆಲ್ಲಿ ಟಿ20 ವಿಶ್ವ ಚಾಂಪಿಯನ್ ಭಾರತ, ಸೆಮಿಫೈನಲ್ ಹಂತವನ್ನೂ ಪ್ರವೇಶಿಸಲಾಗದೆ ವಿಶ್ವಕಪ್ ನಿಂದ ಹೊರಬಿದ್ದು ಮುಖಭಂಗ ಅನುಭವಿಸಿದೆ. ನಿನ್ನೆ ನಡೆದ ಪಂದ್ಯದಲ್ಲಿ ಭಾರತ ಇಂಗ್ಲೆಂಡ್ ವಿರುದ್ದ 3 ರನ್ ಗಳ ಸೋಲು ಅನುಭವಿಸಿದೆ.

ಟಾಸ್ ಗೆದ್ದು ಫೀಲ್ಡ್ ಆಯ್ದುಕೊಂಡ ಧೋನಿ ಪಡೆ ಇಂಗ್ಲೆಂಡ್ ತಂಡವನ್ನು ನಿಯಂತ್ರಿಸುವಲ್ಲಿ ಯಶಸ್ವಿಯಾಗಿತ್ತು. ಇಂಗ್ಲೆಂಡ್ ನಿಗದಿತ ಓವರ್ ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 153 ರನ್ ಗಳಿಸಿತು. ಇಂಗ್ಲೆಂಡ್ ತಂಡದ ಪರ ಬೊಪಾರ 37, ಪೀಟರ್ಸನ 46 ರನ್ ಗಳಿಸಿದರು. ಭಾರತದ ಪರವಾಗಿ ಹರಭಜನ್ 3, ರವಿಂದ್ರ ಜಡೇಜಾ 2, ಜಹೀರ್ ಮತ್ತು ಆರ್ ಪಿ ಸಿಂಗ್ ತಲಾ ಒಂದೊಂದು ವಿಕೆಟ್ ಪಡೆದರು.

154 ರನ್ ಗಳ ಗುರಿ ಬೆನ್ನಟ್ಟಿದ ಭಾರತ 24 ರನ್ ಆಗುವಷ್ಟರಲ್ಲೇ ರೈನಾ ಮತ್ತು ರೋಹಿತ್ ಶರ್ಮಾ ವಿಕೆಟ್ ಕಳೆದುಕೊಂಡಿತು. 20 ಓವರ್ ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 150 ರನ್ ಗಳಿಸಲಷ್ಟೇ ಶಕ್ತವಾಗಿ 3 ರನ್ ಗಳಿಂದ ಸೋಲು ಅನುಭವಿಸಿತು. ಭಾರತದ ಪರ ಗಂಭೀರ್ 26, ಜಡೇಜಾ 25, ಧೋನಿ 30 ಮತ್ತು ಯೂಸುಫ್ ಪಠಾಣ್ 33 ರನ್ ಗಳಿಸಿದರು. ರಿಯಾನ್ ಸೈಡ್ಬಾಟಮ್ ಪಂದ್ಯಶ್ರೇಸ್ಟ ಪ್ರಶಸ್ತಿಗೆ ಭಾಜನರಾದರು. ಭಾರತ ತನ್ನ ಔಪಚಾರಿಕ ಕಡೆಯ ಪಂದ್ಯದಲ್ಲಿ ನಾಳೆ ದಕ್ಷಿಣ ಆಫ್ರಿಕಾವನ್ನು ಎದುರಿಸಲಿದೆ.

(ದಟ್ಸ್ ಕನ್ನಡ ಕ್ರೀಡಾ ವಾರ್ತೆ)