ದ.ಕೊರಿಯಾದ ವಿಮಾನನಿಲ್ದಾಣ ವಿಶ್ವದಲ್ಲೇ ಬೆಸ್ಟ್

ಲಂಡನ್, ಜೂ. 10 : ಬ್ರಿಟನ್ ಮೂಲದ ಸ್ಕೈಟ್ರಾಕ್ಷ ಸಂಸ್ಥೆ ನಡೆಸಿದ ಸಮೀಕ್ಷೆಯ ಪ್ರಕಾರ ದಕ್ಷಿಣಕೊರಿಯಾದ ಇನ್ಚಿಯಾನ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ ವಿಶ್ವದಲ್ಲೇ ಅತ್ಯಂತ ಉತ್ತಮವಾದ ವಿಮಾನ ನಿಲ್ದಾಣ ಎನ್ನುವ ಪ್ರಶಸ್ತಿಯನ್ನು ಗಳಿಸಿಕೊಂಡಿದೆ. ಕಳೆದ ಎಂಟು ವರ್ಷದಲ್ಲಿ ಏಳು ಬಾರಿ ಈ ಪ್ರಶಸ್ತಿ ಗಳಿಸಿದ್ದ ಹಾ೦ಕಾ೦ಗ್ ವಿಮಾನ ನಿಲ್ದಾಣವನ್ನು ಎರಡನೇ ಸ್ಥಾನಕ್ಕೆ ತಳ್ಳಿ ಕೊರಿಯಾದ ಈ ವಿಮಾನ ನಿಲ್ದಾಣ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದೆ.

ಪ್ರಯಾಣಿಕರು ನೀಡುವ ಮಾಹಿತಿಯನ್ನಾಧರಿಸಿ ನಡೆಸಿದ ಈ ಸಮೀಕ್ಷೆಯನ್ನು ವಿಶ್ವದ 190 ವಿಮಾನನಿಲ್ದಾಣದಲ್ಲಿ 8.6 ಮಿಲಿಯನ್ ಪ್ರಯಾಣಿಕರು ನೀಡಿದ ಮಾಹಿತಿಯ ಪ್ರಕಾರ ಸಮೀಕ್ಷೆಗೆ ಅಂತಿಮ ರೂಪ ನೀಡಲಾಗಿದೆ ಎಂದು ಸ್ಕೈಟ್ರಾಕ್ಷ ಸಂಸ್ಥೆಯ ಅಧಿಕಾರಿಗಳು ತಿಳಿಸಿದ್ದಾರೆ.

ಸಿಂಗಾಪುರದ ಚಾಂಗಿ ನಿಲ್ದಾಣ ಮೂರನೇ ಸ್ಥಾನದಲ್ಲಿ, ಜ್ಯೂರಿಕ್ ನಾಲ್ಕನೇ ಸ್ಥಾನದಲ್ಲಿ ಮ್ಯೂನಿಕ್, ಜಪಾನ್ ನ ಕನಾಸಿ, ಕೌಲಾಲಂಪುರ, ಆಮಸ್ಟರ್ ಡ್ಯಾಮ್, ಜಪಾನ್ ನ ನಗೋಯಾ ಮತ್ತು ಆಕ್ಲೆಂಡ್ ವಿಮಾನ ನಿಲ್ದಾಣಗಳು ನಂತರದ ಮೊದಲ ಹತ್ತು ಉತ್ತಮ ವಿಮಾನಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ. ಭಾರತದ ಯಾವ ವಿಮಾನ ನಿಲ್ದಾಣಗಳು ಬೆಸ್ಟ್ ಲಿಸ್ಟಿನಲ್ಲಿ ಇಲ್ಲ.

(ಏಜನ್ಸೀಸ್)