ಧೋನಿ ಸಹೋದರ ಬಿಜೆಪಿಗೆ ಜೈಹೋ

ರಾಂಚಿ, ಏ. 20 : ಭಾರತೀಯ ಕ್ರಿಕೆಟ್ ತಂಡದ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರ ಸಹೋದರ ನರೇಂದ್ರ ಧೋನಿ ಭಾರತೀಯ ಜನತಾ ಪಕ್ಷ ಸೇರಿದ್ದಾರೆ. ಪಕ್ಷದ ಕಛೇರಿಯಲ್ಲಿ ನಡೆದ ಸರಳ ಸಮಾರಂಭದಲ್ಲಿ ಮಾತನಾಡಿದ ನರೇಂದ್ರ ಧೋನಿ, ಬಿಜೆಪಿ ಮತ್ತು ಆಡ್ವಾಣಿಯವರ ಸಿದ್ದಾ೦ತದಿ೦ದ ಪ್ರಭಾವಿತನಾಗಿ ತಾನು ಬಿಜೆಪಿ ಸೇರಿರುವುದಾಗಿ ಹೇಳಿದ್ದಾರೆ.

ಬಿಜೆಪಿ ಪರ ಜಾರ್ಖಂಡ್ ರಾಜ್ಯದಲ್ಲಿ ಪ್ರಚಾರ ನಡೆಸುವುದಾಗಿ ಹೇಳಿರುವ ನರೇಂದ್ರ ಧೋನಿ, ವಾಜಪೇಯಿ ಮತ್ತು ನರೇಂದ್ರ ಮೋದಿಯವರನ್ನು ಮುಕ್ತಕಂಠದಿಂದ ಹೊಗಳಿದ್ದಾರೆ. ಧೋನಿಗೆ ಇರುವ ಜನಪ್ರಿಯತೆಯ ಮೂಲಕ ಇವರನ್ನು ಚೆನ್ನಾಗಿ ಬಳಸಿಕೊಳ್ಳಲು ಆಲೋಚಿಸುತ್ತಿರುವ ಬಿಜೆಪಿ, ರೋಡ್ ಶೋ ಮತ್ತು ಚುನಾವಣೆ ಸಭೆಯಲ್ಲಿ ಇವರಿ೦ದ ಭಾಷಣ ಮಾಡಿಸಿ ಜನರನ್ನು ಓಲೈಸಲು ಪಕ್ಷ ನಿರ್ಧರಿಸಿದೆ.

(ದಟ್ಸ್ ಕನ್ನಡ ವಾರ್ತೆ)

ಲೋಕಸಭೆ ಚುನಾವಣೆ2009 ತಾಜಾ ಸುದ್ದಿಗಳು