ಚುನಾವಣಾ ತರಬೇತಿಗೆ ಹಾಜರಾಗಲು ಸೂಚನೆ

ಗುಲಬರ್ಗಾ, ಏ. 11 : ಗುಲಬರ್ಗಾ ಮೀಸಲು ಲೋಕಸಭಾ ಕ್ಷೇತ್ರದ ಸಾರ್ವತ್ರಿಕ ಚುನಾವಣೆಗಾಗಿ ನೇಮಕಾತಿಗೊಂಡ ಮತಗಟ್ಟೆ ಅಧಿಕಾರಿಗಳು (ಪದವಿಪೂರ್ವ, ಡಿಗ್ರಿ ಕಾಲೇಜಿನ ಉಪನ್ಯಾಸಕರು, ಪ್ರಾಚಾರ್ಯರು) ದ್ವಿತೀಯ ಪಿ.ಯು.ಸಿ. ಪರೀಕ್ಷೆಯ ಉತ್ತರ ಪತ್ರಿಕೆಗಳ ಮೌಲ್ಯಮಾಪನ ಕಾರ್ಯದಲ್ಲಿ ನಿರತರಾಗಿದ್ದರಿಂದ ದಿನಾಂಕ: 7-4-2009 ರಂದು ನಡೆದ ಚುನಾವಣಾ ತರಬೇತಿಗೆ ಹಾಜರಾಗಿರುವುದಿಲ್ಲ.

ಈ ತರಬೇತಿಗೆ ಗೈರುಹಾಜರಾದ ಮತಗಟ್ಟೆ ಅಧಿಕಾರಿಗಳು ಮತ್ತು ದಿನಾಂಕ 15-4-2009 ರಂದು ನಡೆಯುವ ಮತಗಟ್ಟೆ ಅಧಿಕಾರಿಗಳ ತರಬೇತಿಗೆ ಗೈರು ಹಾಜರಾಗುವಂತಹ ಮತಗಟ್ಟೆ ಅಧಿಕಾರಿಗಳು ದಿನಾಂಕ 13-4-2009 ರಂದು ಬೆಳಿಗ್ಗೆ 10 ಗಂಟೆಗೆ ಪಿ.ಡಿ.ಎ. ಇಂಜಿನಿಯರಿಂಗ್ ಕಾಲೇಜಿನಲ್ಲಿ ನಡೆಯುವ ತರಬೇತಿಗೆ ಕಡ್ಡಾಯವಾಗಿ ಹಾಜರಾಗುವಂತೆ ಗುಲಬರ್ಗಾ ಲೋಕಸಭಾ ಚುನಾವಣೆಯ ಸಹಾಯಕ ಚುನಾವಣಾಧಿಕಾರಿ ಹಾಗೂ ಗುಲ್ಬರ್ಗಾ ಮಹಾನಗರ ಪಾಲಿಕೆಯ ಆಯುಕ್ತ ಡಾ ಕೆ.ಜಿ. ಜಗದೀಶ ಅವರು ಸೂಚಿಸಿದ್ದಾರೆ.

(ದಟ್ಸ್ ಕನ್ನಡ ವಾರ್ತೆ)