ವಾಯುವಜ್ರ ಬಸ್ಸಿನ ದಿನದ ಪಾಸ್ ಬಿಡುಗಡೆ

ಬೆಂಗಳೂರು, ಮಾ. 3 : ಬೆಂಗಳೂರು ಮಹಾನಗರ ರಸ್ತೆ ಸಾರಿಗೆ ಸಂಸ್ಥೆ ತನ್ನ ವಾಯುವಜ್ರ (ವೋಲ್ವೋ) ಬಸ್ ಪ್ರಯಾಣಿಕರ ಅನುಕೂಲಕ್ಕಾಗಿ ದಿನದ ಗೋಲ್ಡ್ ಪಾಸ್ ಆರಂಭಿಸಿದೆ. ದಿನದ ಪಾಸ್ ದರ ರುಪಾಯಿ 75 ಆಗಿದೆ. ಆದರೆ ಈ ಪಾಸ್ ದೇವನಹಳ್ಳಿ ವಿಮಾನ ನಿಲ್ದಾಣಕ್ಕೆ ಸಂಚರಿಸುವ ವಾಯುವಜ್ರ ಮತ್ತು ಸುವರ್ಣ ಸೇವೆ ಬಸ್ ಗಳಿಗೆ ಅನ್ವಯವಾಗುವುದಿಲ್ಲ.

ಈ ಪಾಸ್ ಹೊಂದಿದವರಿಗೆ ಸಂಸ್ಥೆ ವಿಶೇಷ ಸೌಲಭ್ಯ ಕೂಡ ನೀಡುತ್ತಿದೆ. ಈ ಬಸ್ ಗಳಲ್ಲಿ ಪ್ರಯಾಣಿಸುತ್ತಿದ್ದಾಗ ಅಪಘಾತಕ್ಕೀಡಾಗಿ ಪಾಸುದಾರರು ಮೃತಪಟ್ಟಲ್ಲಿ ಅಥವಾ ಅಂಗವಿಕಲರಾದರೆ ಒಂದು ಲಕ್ಷ ರುಪಾಯಿ ವಿಮಾ ಸೌಲಭ್ಯ ನೀಡಲಿದೆ. ಅಥವಾ ಆಸ್ಪತ್ರೆಯಲ್ಲಿ ಒಳರೋಗಿಯಾಗಿ ಚಿಕಿತ್ಸೆ ಪಡೆದು ಅಗತ್ಯ ದಾಖಲೆ ಪ್ರಸ್ತುತ ಪಡಿಸಿದ್ದಲ್ಲಿ ವೈದ್ಯಕೀಯ ವೆಚ್ಚದ ರುಪಾಯಿ 20,000 ದವರೆಗೆ ಮರುಪಾವತಿ ಸೌಲಭ್ಯ ನೀಡಲಿದೆ.

(ದಟ್ಸ್ ಕನ್ನಡ ವಾರ್ತೆ)