ಅಂಚೆ ಕಚೇರಿಯಲ್ಲಿ ಚಿನ್ನದ ನಾಣ್ಯ ಮಾರಾಟ

ಮೈಸೂರು, ಫೆ. 26 : ಭಾರತೀಯ ಅಂಚೆ ಇಲಾಖೆಯು ರಿಲಯನ್ಸ್ ಮನಿ ಅವರ ಸಹಯೋಗದೊಂದಿಗೆ 24 ಕಾರೆಟ್ ಚಿನ್ನದ ನಾಣ್ಯಗಳನ್ನು ಮೈಸೂರು ಪ್ರಧಾನ ಅಂಚೆ ಕಚೇರಿ ಹಾಗೂ ಸರಸ್ವತಿಪುರಂನ ಪ್ರಧಾನ ಅಂಚೆ ಕಚೇರಿಗಳಲ್ಲಿ ಫೆಬ್ರವರಿ 21ರಿಂದ ಮಾರಾಟ ಆರಂಭಿಸಿದೆ.

ಚಿನ್ನದ ನಾಣ್ಯಗಳು 0.5 ಗ್ರಾಂ, 1 ಗ್ರಾಂ. ಮತ್ತು 8 ಗ್ರಾಂ.ಗಳ ಟಾಂಪರ್ ಪ್ರೂಫ್ ಪಾಕೆಟ್‌ಗಳಲ್ಲಿ ಲಭ್ಯವಿರುತ್ತದೆ. ದಿನಾಂಕ ಫೆ. 28 ರವರೆಗೆ ಖರೀದಿಸಿದಲ್ಲಿ ಶೇಕಡ 5ರ ರಿಯಾಯಿತಿ ದೊರೆಯುತ್ತದೆ. ಸಾರ್ವಜನಿಕರು ಈ ಸುವರ್ಣ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಲು ಹಿರಿಯ ಅಂಚೆ ಅಧೀಕ್ಷಕರು ವಿನಂತಿಸಿದ್ದಾರೆ. ಹೆಚ್ಚಿನ ಮಾಹಿತಿಗಾಗಿ ಮೈಸೂರು ಪ್ರಧಾನ ಅಂಚೆ ಕಚೇರಿ ದೂರವಾಣಿ ಸಂಖ್ಯೆ 2417303 ಹಾಗೂ ಸರಸ್ವತಿಪುರಂ ಪ್ರಧಾನ ಅಂಚೆ ಕಚೇರಿ ದೂರವಾಣಿ ಸಂಖ್ಯೆ 2417329ನ್ನು ಸಂಪರ್ಕಿಸಬಹುದಾಗಿದೆ.

(ದಟ್ಸ್ ಕನ್ನಡ ವಾರ್ತೆ)
ಮೈಸೂರಿಗೆ ಯುನೆಸ್ಕೋ ತಂಡದ ಭೇಟಿ