ಮೈಸೂರು ಜಿಲ್ಲಾ ಪಂಚಾಯತ್ ಬಜೆಟ್ ಮಂಡನೆ

ಮೈಸೂರು, ಫೆ. 17 : ಮೈಸೂರು ಜಿಲ್ಲಾ ಪಂಚಾಯತ್‌ನ 2009-10ನೇ ಸಾಲಿನ 591.66 ಕೋಟಿ ರೂ.ಗಳ ಮುಂಗಡ ಪತ್ರವನ್ನು ಜಿಲ್ಲಾ ಪಂಚಾಯತ್‌ನ ವಿಶೇಷ ಸಾಮಾನ್ಯ ಸಭೆಯಲ್ಲಿ ಮೈಸೂರು ಜಿಲ್ಲಾ ಪಂಚಾಯತ್ ಅಧ್ಯಕ್ಷ ಕೆ. ಮರಿಗೌಡ ಮಂಡಿಸಿದರು.

ಕರಡು ಆಯವ್ಯಯದಲ್ಲಿ 17,609,92 ಲಕ್ಷ ರೂಪಾಯಿಗಳನ್ನು ಯೋಜನಾ ಕಾರ್ಯಕ್ರಮಗಳಿಗೆ ಹಾಗೂ 41,553,68 ಲಕ್ಷ ರೂಪಾಯಿಗಳನ್ನು ಯೋಜನೇತರ ಕಾರ್ಯಕ್ರಮಗಳಿಗೆ ಮೀಸಲಿರಿಸಲಾಗಿದೆ. ಯೋಜನೇತರ ಕಾರ್ಯಕ್ರಮಗಳಲ್ಲಿ 34463,11 ಲಕ್ಷ ರೂ. ವೇತನಕ್ಕೆ ಹಾಗೂ 7090.57 ಲಕ್ಷ ರೂ. ಕಾರ್ಯಕ್ರಮಗಳಿಗೆ ಹಾಗೂ ಯೋಜನೆಯಲ್ಲಿ 5375.92 ಲಕ್ಷ ರೂ ವೇತನಕ್ಕೆ ಹಾಗೂ 12234.30 ವಿವಿಧ ಯೋಜನಾ ಕಾರ್ಯಕ್ರಮಗಳಿಗೆ ಪ್ರಸ್ತಾಪಿಸಲಾಗಿದೆ.

ಒಟ್ಟಾರೆ 591.66 ಕೋಟಿ ರೂ.ಗಳಲ್ಲಿ ಜಿಲ್ಲಾ ಪಂಚಾಯತ್ ಕಾರ್ಯಕ್ರಮಗಳಿಗೆ 2197.58 ಲಕ್ಷ ರೂಪಾಯಿಗಳು. ತಾಲ್ಲೂಕು ಪಂಚಾಯತ್ ಕಾರ್ಯಕ್ರಮಗಳಿಗೆ 32426.65 ಲಕ್ಷ ರೂಪಾಯಿಗಳು ಹಾಗೂ ಗ್ರಾಮ ಪಂಚಾಯತ್ ಕಾರ್ಯಕ್ರಮಗಳಿಗೆ 4761.37 ಲಕ್ಷ ರೂಪಾಯಿಗಳನ್ನು ಪ್ರಸ್ತಾಪಿಸಲಾಗಿದೆ. 2009-10ರ ಆಯವ್ಯಯವು 2008-09ರ ಸಾಲಿನ ಅನುದಾನಕ್ಕಿಂತ ಒಟ್ಟಾರೆ 10556.36 ಲಕ್ಷ ರೂಪಾಯಿಗಳು (ಶೇಕಡ 25.40) ಅಧಿಕವಾಗಿದೆ.

(ದಟ್ಸ್ ಕನ್ನಡ ವಾರ್ತೆ)

ಮೈಸೂರು ನಗರಾಭಿವೃದ್ಧಿಗೆ ವಿವಿಧ ಯೋಜನೆಗಳು