ಚೀನಾ ಪ್ರಧಾನಿ ಜಿಯಾಬೋ ಮೇಲು ಶೂ ಎಸೆತ !!

ಲಂಡನ್, ಫೆ.3: ಅಮೆರಿಕದ ಮಾಜಿ ಅಧ್ಯಕ್ಷ ಜಾರ್ಜ್ ಬುಷ್ ಮೇಲೆ ಇರಾಕಿ ಪತ್ರಕರ್ತನೊಬ್ಬ ಶೂ ಎಸೆದ ಘಟನೆ ಮರೆಯುವ ಮುನ್ನವೇ ಅದೇ ತರದ ಇನ್ನೊಂದು ಪ್ರಕರಣ ಲಂಡನ್ ನಲ್ಲಿ ನಡೆದಿದೆ. ಆದರೆ ಈ ಬಾರಿ ಶೂ ಎಸೆದದ್ದು ಚೀನಾದ ಪ್ರಧಾನಿ ವೆನ್ ಜಿಯಾಬೋ ಕಡೆಗೆ. ಬ್ರಿಟನ್ ನ ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯದಲ್ಲಿ ಜಾಗತಿಕ ಆರ್ಥಿಕತೆ ಕುರಿತು ಭಾಷಣ ಮಾಡುತ್ತಿದ್ದ ಅವರ ಮೇಲೆ ಶೂ ತೂರಲಾಯಿತು.

ಭಾಷಣ ಇನ್ನೇನು ಅಂತಿಮ ಘಟ್ಟ ತಲುಪುತ್ತಿದ್ದಂತೇ ಯುವಕನೊಬ್ಬ ಎದ್ದು ನಿಂತು ಜೋರಾಗಿ ಸಿಳ್ಳೆ ಹೊಡೆದು "ಇವನೊಬ್ಬ ಸರ್ವಾಧಿಕಾರಿ, ಈತನ ಜೊತೆ ವಿಶ್ವವಿದ್ಯಾಲಯ ವೇಶ್ಯೆಯಂತೆ ವರ್ತಿಸುತ್ತಿದೆ. ಈತ ಹೇಳುತ್ತಿರುವ ಸುಳ್ಳನ್ನು ಈಗ ನೀವೆಲ್ಲಾ ಕೇಳುತ್ತಿದ್ದೀರಿ'' ಎಂದು ಕೂಗುತ್ತಾ ಒಂದು ಶೂ ಅನ್ನು ಚೀನಾ ಪ್ರಧಾನಿ ಕಡೆ ಎಸೆದೇ ಬಿಟ್ಟ. ವೆನ್ ಜಿಯಾಬೋ ಶೂ ಎಸೆತದಿಂದ ಸ್ವಲ್ಪದರಲ್ಲೀ ಪಾರಾದರು. ಚೀನಾದ ಪ್ರಧಾನಿ ಬ್ರಿಟನ್ ಗೆ ಭೇಟಿ ನೀಡಿದಾಗಿನಿಂದ ಟಿಬೆಟ್ ಪರವಾದ ಪ್ರತಿಭಟನೆ ಹೆಚ್ಚಾಗುತ್ತಿದ್ದೆ. ವೆನ್ ಜಿಯಾಬೋ ಮೇಲೆ ಶೂ ಎಸೆಯುವ ಮೂಲಕ ತಮ್ಮ ದ್ವೇಶ ಕಾರಿಕೊಂಡಿದ್ದಾರೆ.

(ಏಜೆನ್ಸೀಸ್)
ಬುಷ್ ಮೇಲೆ ಚಪ್ಪಲಿ ಎಸೆದ ಇರಾಕಿ ಪತ್ರಕರ್ತ