ಅಮೆರಿಕದಲ್ಲಿ ಸತ್ಯಂ ನೌಕರನ ಕೊಲೆ

ಹೈದರಾಬಾದ್, ಜ. 15 : ಅಮೆರಿಕಾದಲ್ಲಿ ವ್ಯಾಸಂಗ ಮಾಡುತ್ತಿರುವ ಭಾರತೀಯ ವಿದ್ಯಾರ್ಥಿಗಳಿಗೆ ಗ್ರಹಚಾರಗಳು ಚೆನ್ನಾಗಿಲ್ಲ. ಕಳೆದ ಒಂದು ವರ್ಷದಲ್ಲಿ ಏನಿಲ್ಲವೆಂದರೂ 8 ಭಾರತೀಯ ವಿದ್ಯಾರ್ಥಿಗಳು ಗುಂಡೇಟಿಗೆ ಬಲಿಯಾಗಿರುವ ಸುದ್ದಿ ಬಂದಿದೆ. ಅವರಲ್ಲಿ ಬಹುತೇಕ ಯುವಕ ಯುವತಿಯರು ಆಂಧ್ರಪ್ರದೇಶದವರೇ ಆಗಿರುವುದು ಸಂಗತಿ. ಇವತ್ತು ಇನ್ನೊಬ್ಬ ಯುವಕ ಹತ್ಯೆಯಾಗಿರುವ ವರ್ತಮಾನ ಬಂದಿದೆ. ಆದರೆ ಆತ ವಿದ್ಯಾರ್ಥಿ ಅಲ್ಲ. ಆತನೂ ಆಂಧ್ರಪ್ರದೇಶದವನೇ ಆಗಿದ್ದು ಸತ್ಯಂ ಕಂಪನಿಯಲ್ಲಿ ಸಾಫ್ಟ್ ವೇರ್ ಇಂಜಿನಿಯರ್ ಆಗಿದ್ದ.

ಯಾರದೋ ಗುಂಡಿಗೆ ಬಲಿಯಾಗಿರುವ ಈ ಭಾರತೀಯನ ಹೆಸರು ಅಕ್ಷಯ್ ವಿಶಾಲ್. ಸತ್ಯಂ ಕಂಪ್ಸ್ಯೂಟರ್ಸ್ ಕಂಪನಿಯ ನೌಕರರಾಗಿದ್ದ ಅವರು ಜೆಟ್ ಫಾಲ್ಕನ್ ಕಂಪನಿಯಲ್ಲಿ ಸತ್ಯಂ ಗುತ್ತಿಗೆ ಕೆಲಸ ಮಾಡುತ್ತಿದ್ದರು. [...]
****

ಮುಂಬೈ , ಜ. 15 : ವೆನ್ ಚರ್ ಕ್ಯಾಪಿಟಲ್ನ ಜಾಗತಿಕ ಮುಂದಾಳು ಟಿಪಿಜಿಗೆ ವಿವೇಕ್ ಪಾಲ್ ರಾಜೀನಾಮೆ ಕೊಟ್ಟಿದ್ದಾರಂತೆ. ಯಾಕೋ ಗೊತ್ತಿಲ್ಲ. ಅಲ್ಲಿಂದ ಅವರು ಈಗ ಗರಬಡಿದಿರುವ ಸತ್ಯಂ ಕಂಪ್ಯೂಟರ್ಸ್ ಗೆ ಸಿಇಒ ಆಗಿ ಸೇರುತ್ತಾರೆ ಎಂದೂ ಸುದ್ದಿ ಹರಡಿದೆ. 50 ಬಿಲಿಯನ್ ಡಾಲರು ವಹಿವಾಟಿನ ವಿಶ್ವದ ಅತ್ಯಂತ ದೊಡ್ಡ ಖಾಸಗಿ ಈಕ್ವಿಟಿ ಕಂಪನಿಯ ಪಾಲುದಾರ ಪಾಲ್ ಟಿಪಿಜಿ ತೊರೆದಿದ್ದಾರೆಂದು ನಂಬಲಾಗಿರುವುದೇ ಈ ಗಾಸಿಪ್ಪಿಗೆ ಕಾರಣ.

ಅಷ್ಟೇ ಆಗಿದ್ದರೆ ಪರವಾಗಿಲ್ಲ. ಪಾಲ್ ಅವರು ನಾನಾ ಕಂಪನಿಗಳಲ್ಲಿ ಸತ್ಯಂ ಹೂಡಿರುವ ಸ್ಟೇಕುಗಳನ್ನು ಖರೀದಿಸುತ್ತಿದ್ದಾರೆಂದೂ ಮಾರುಕಟ್ಟೆಯಲ್ಲಿ ಮಾತುಗಳು ಕೇಳಿಬರುತ್ತಿವೆ. ಏನೇ ಆಗಲಿ. ಸತ್ಯಂ ಮತ್ತೆ ನಿತ್ಯಂ ಆಗಲಿ ಎನ್ನುತ್ತಿದ್ದಾರೆ ಸತ್ಯಂ ಕಂಪನಿಯ ಕಟ್ಟಾ ಅನುಯಾಯಿಗಳು ( ಶೇರುದಾರರು)
****

ಮೆಲ್ಬೋರ್ನ, ಜ. 15 : 'ಇದು ಪ್ರಪಂಚದಲ್ಲೇ ಅತ್ಯುತ್ತಮವಾದ ಉದ್ಯೋಗ. ಒಂದು ಲಕ್ಷದ ಐದು ಸಾವಿರ ಆಸ್ಟ್ರೇಲಿಯನ್ ಡಾಲರು ಸಂಬಳ. ಆಸಕ್ತರು ತಮ್ಮ ಬಯೋಡೇಟಾಗಳನ್ನು ಕಳಿಸಬಹುದು'. ಹಾಗಂತ ಮೊನ್ನೆ ಆಸ್ಟ್ರೇಲಿಯಾದ ಒಂದು ವೆಬ್ ಸೈಟಿನಲ್ಲಿ ಜಾಹಿರಾತು ಕಾಣಿಸಿಕೊಂಡಿತು.

ಜನ ಮುಗಿಬಿದ್ದರು ನೋಡಿ. ಎಲ್ಲಾ ಕೆಲಸಬಿಟ್ಟು ನಾಮುಂದು ತಾಮುಂದು ಎನ್ನುತ್ತಾ ಉದ್ಯೋಗಾರ್ಥಿಗಳು ತಮ್ಮ ಸಿವಿ ಕಳಿಸಲು ಎದ್ದುಬಿದ್ದು ಓಡಿಬಂದರು. ವೆಬ್ ಸೈಟು ಕುಂಭಮೇಳದಂತಾಯಿತು. ಕೇವಲ 60 ನಿಮಿಷದಲ್ಲಿ ಮೂರು ಲಕ್ಷ ಮಂದಿ ಅಂತರ್ ಜಾಲ ತಾಣಕ್ಕೆ ಲಗ್ಗೆ ಹಾಕಿದ್ದರಿಂದ ನೂಕುನುಗ್ಗಲು ಉಂಟಾಯಿತು. ಅದೃಷ್ಟವಶಾತ್ ಸಾವು ನೋವುಗಳೇನೂ ಸಂಭವಿಸಲಿಲ್ಲ. ಆದರೆ, ವಿಪರೀತ ಸಂಚಾರದಟ್ಟಣೆಯಿಂದಾಗಿ ವೆಬ್ ಸೈಟ್ ಕುಸಿದುಬಿತ್ತು.[...]

(ಅಲ್ಲಿಂದ ಇಲ್ಲಿಂದ)
ಸತ್ಯಂ ಯೋಜನೆಗಳು ಟಾಟಾ ಮಡಿಲಿಗೆ