ಸತ್ಯಂ ಯೋಜನೆಗಳು ಟಾಟಾ ಮಡಿಲಿಗೆ

ವಾಷಿಂಗ್ ಟನ್, ಜ. 13 : ಸತ್ಯಂ ಕಂಪನಿಯನ್ನು ಎಂಟು ವರ್ಷಗಳ ಕಾಲ ನಿಷೇಧಿಸಿದ ನಂತರ ಸತ್ಯಂ ಮಾಡುತ್ತಿದ್ದ ಮಾಹಿತಿ ತಂತ್ರಜ್ಞಾನಕ್ಕೆ ಸಂಬಂಧಿಸಿದ ಯೋಜನೆಗಳನ್ನು ವಿಶ್ವ ಬ್ಯಾಂಕ್ ಟಾಟಾ ಕನ್ಸಲ್ಟನ್ಸಿ ಸರ್ವಿಸಸ್ (ಟಿಸಿಎಸ್)ಗೆ ವಹಿಸಿಕೊಟ್ಟಿದೆ. ಈ ಸಂಗತಿಯನ್ನು ವಿಶ್ವ ಬ್ಯಾಂಕ್ ನ ವಕ್ತಾರರು ತಿಳಿಸಿದ್ದಾರೆ.

ವಿಶ್ವ ಬ್ಯಾಂಕ ಭಾರತ ಐಟಿ ಕಂಪನಿಗಳನ್ನು ತನ್ನ ದಾಳಿಯ ಗುರಿಯನ್ನಾಗಿ ಮಾಡಿಕೊಳ್ಳುತ್ತಿದೆ ಎಂಬ ಶಂಕೆಯನ್ನು ಐಟಿಗೆ ಸಂಬಂಧಿಸಿದ ಕೆಲಸಗಳನ್ನು ಟಿಸಿಎಸ್ ಗೆ ವಹಿಸುವ ಮುಖಾಂತರ ವಿಶ್ವ ಬ್ಯಾಂಕ್ ನಿವಾರಿಸಿಕೊಂಡಿದೆ.

ಈಗಾಗಲೇ ಸತ್ಯಂ ಕಂಪೆನಿಯನ್ನು ಕಪ್ಪು ಪಟ್ಟಿಗೆ ಸೇರಿಸುವುದರ ಜತೆಗೆ ಎಂಟು ವರ್ಷಗಳ ನಿಷೇಧವನ್ನು ಹೇರಲಾಗಿದೆ. ವಿಪ್ರೋಗೆ 2007ರ ಜೂನ್ ನಿಂದ 2011 ರವರೆಗೆ ವಾಲ್ಕು ವರ್ಷಗಳ ಕಾಲ ನಿಷೇಧ ಹೇರಲಾಗಿದೆ. ಮೆಗಾಸಾಫ್ಟ್ ಗೆ 2007ರ ಡಿಸೆಂಬರ್ ನಿಂದ ಬ್ಯಾಂಕ್ ಸಿಬ್ಬಂದಿ ಜತೆಗೆ ವ್ಯವಹಾರ ನಡೆಸದಂತೆ ನಾಲ್ಕು ವರ್ಷಗಳ ನಿಷೇಧ ಹೇರಿದೆ. ವಿಶ್ವಬ್ಯಾಂಕ್ ಜಗತ್ತಿನಾದ್ಯಂತ ಒಟ್ಟು 111 ಕಂಪೆನಿಗಳ ಮೇಲೆ ನಿಷೇಧ ಹೇರಿದೆ.

(ಏಜನ್ಸೀಸ್)

ವಿಪ್ರೋ‌ಗೆ ವಿಶ್ವಬ್ಯಾಂಕ್ ದಿಗ್ಬಂಧನ
ಸತ್ಯಂ ಹೊಸ ಮಂಡಳಿ ಮೊದಲ ಸುದ್ದಿಗೋಷ್ಠಿ
ಮೂರನೇ ತ್ರೈಮಾಸಿಕ ಪ್ರಕಟಿಸಿದ ಇನ್ಫೋಸಿಸ್