ಏರ್‌ಟೆಲ್‌ ಮ್ಯಾಜಿಕ್‌- ನಿಮಗೆ ಬೇಕಾದ ಮಾಹಿತಿ ಅಂಗೈಯಲ್ಲಿ ಪ್ರತ್ಯಕ್ಷ

ಏರ್‌ಟೆಲ್‌ ಮ್ಯಾಜಿಕ್‌- ನಿಮಗೆ ಬೇಕಾದ ಮಾಹಿತಿ ಅಂಗೈಯಲ್ಲಿ ಪ್ರತ್ಯಕ್ಷ
4242 ಸಂಖ್ಯೆಗೆ ಎಸ್‌ಎಂಎಸ್‌ ಕಳುಹಿಸಿ, ವಿಳಾಸ ಹುಡುಕುವ ಕಷ್ಟ ಅವರಿಗೆ ಬಿಡಿ!

ಏರ್‌ಟೆಲ್‌ ಸಂಸ್ಥೆ ಗ್ರಾಹಕರಿಗೆ ಹೆಚ್ಚಿನ ಸೌಲಭ್ಯವನ್ನು ಒದಗಿಸುವ ಮೂಲಕ ಆಕರ್ಷಿಸುತ್ತಿದೆ. ಗ್ರಾಹಕರಿಗೆ ಆಗತ್ಯ ಸ್ಥಳ ಹಾಗೂ ವಿಳಾಸಗಳನ್ನು ಪತ್ತೆಹಚ್ಚಲು ಅನುಕೂಲವಾಗುವ ಸೇವೆಯನ್ನು ಆರಂಭಿಸಿದ್ದು, ಈ ವಿಶಿಷ್ಠ ಸೇವೆಗೆ ಪೊಲೀಸ್‌ ಮಹಾನಿರ್ದೇಶಕ ಎಂ.ಕೆ.ಶ್ರೀವಾಸ್ತವ ಮತ್ತು ನಟ ಪುನೀತ್‌ ರಾಜ್‌ಕುಮಾರ್‌ ಸೋಮವಾರ(ಡಿ.13) ಚಾಲನೆ ನೀಡಿದ್ದಾರೆ.

ರಾಜ್ಯದ ಬೆಂಗಳೂರು, ಮೈಸೂರು, ಮಂಗಳೂರು, ಮಣಿಪಾಲ , ಉಡುಪಿ, ಹುಬ್ಬಳ್ಳಿ, ಧಾರವಾಡ, ಬೆಳಗಾವಿ, ಶಿವಮೊಗ್ಗ, ದಾವಣಗೆರೆ ಹಾಗೂ ವಿಜಾಪುರದಲ್ಲಿ ಸದ್ಯಕ್ಕೆ ಈ ಸೇವೆ ಲಭ್ಯ. ಹಂತ ಹಂತವಾಗಿ ಎಲ್ಲೆಡೆ ವಿಸ್ತರಿಸುವುದು ಹಾಗೂ ಕನ್ನಡ ಎಸ್‌ಎಂಎಸ್‌ ವ್ಯವಸ್ಥೆಯನ್ನು ಆರಂಭಿಸುವ ಉದ್ದೇಶವಿದೆ ಎಂದು ಏರ್‌ಟೆಲ್‌ ಸಂಸ್ಥೆ ತಿಳಿಸಿದೆ.

ಏರ್‌ಟೆಲ್‌ನ ಹೊಸ ಸೇವೆಯ ವಿಶೇಷತೆ ಹೀಗಿದೆ;

• ಪೊಲೀಸ್‌ ಠಾಣೆ, ಆಸ್ಪತ್ರೆ, ಆಂಬ್ಯುಲೆನ್ಸ್‌, ನೀರಿನ ಬಿಲ್‌ ಪಾವತಿಸುವ ಕೇಂದ್ರ, 24 ಗಂಟೆ ಸೇವೆ ಲಭ್ಯವಿರುವ ಔಷಧಿ ಅಂಗಡಿ, ಸಿನಿಮಾ ಮಂದಿರ, ಹೋಟೆಲ್‌, ಪಬ್‌, ಬಾರ್‌ ಮತ್ತಿತರ ಮಾಹಿತಿಯನ್ನು ಗ್ರಾಹಕರು ಪಡೆಯ ಬಹುದು.
• ಪೋಸ್ಟ್‌ ಪೇಯ್ಡ್‌ ಮತ್ತು ಫ್ರೀಪೇಯ್ಡ್‌ ಗ್ರಾಹಕರು ಅಗತ್ಯ ಮಾಹಿತಿಯನ್ನು ಎಸ್‌.ಎಂ.ಎಸ್‌ ಮೂಲಕ ಪಡೆಯ ಬಹುದು.
• ಹೊಸ ಸೇವೆ ಪಡೆದುಕೊಳ್ಳಲು ಗ್ರಾಹಕರು 4242 ಸಂಖ್ಯೆಗೆ ಸಂಕ್ಷಿಪ್ತ ಸಂದೇಶವನ್ನು ಎಸ್‌ಎಂಎಸ್‌ ಮೂಲಕ ನೀಡಿದಲ್ಲಿ ಮಾಹಿತಿ ದೊರೆಯಲಿದೆ. ಪ್ರತಿ ಪ್ರಶ್ನೆಗೆ 3 ರೂ. ದರ ವಿಧಿಸಲಾಗಿದೆ.
• ಈ ಸೇವೆಯಲ್ಲಿ ಬಳಸಲಾಗುವ ಎಸ್‌ಎಂಎಸ್‌ನ ಸಂಕೇತಾಕ್ಷರಗಳು ನಿಮ್ಮ ನೆನಪಲ್ಲಿರಲಿ. ಅವುಗಳೆಂದರೇ, POL- police stations, HOS- hospitals, AMB- ambulances, WATERBILL- Water bill payment centres, MED- 24 hour pharmacies, ATM- ATMs, CINE- Cinema Halls, RES- restaurants, PUB- pubs and bars.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು