ಮಾಜಿ ಪ್ರಧಾನಿ ಪಿ. ವಿ.ನರಸಿಂಹರಾವ್‌ಗೆ ಪೂರ್ಣ ಪ್ರಜ್ಞೆ , ಚೇತರಿಕೆ

ಮಾಜಿ ಪ್ರಧಾನಿ ಪಿ. ವಿ.ನರಸಿಂಹರಾವ್‌ಗೆ ಪೂರ್ಣ ಪ್ರಜ್ಞೆ , ಚೇತರಿಕೆ
ರಾವ್‌ ಮೂರು ದಿನಗಳಲ್ಲಿ ಮೂರು ಸಲ ಹೃದಯಾಘಾತಕ್ಕೆ ಒಳಗಾಗಿದ್ದರು

ಅನಾರೋಗ್ಯದಿಂದ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದ ಮಾಜಿ ಪ್ರಧಾನಿ ಮತ್ತು ಕಾಂಗ್ರೆಸ್‌ ಹಿರಿಯ ನಾಯಕ ಪಿ.ವಿ.ನರಸಿಂಹರಾವ್‌ ಅವರ ಆರೋಗ್ಯದಲ್ಲಿ ಸೋಮವಾರ(ಡಿ.13) ಚೇತರಿಕೆ ಕಂಡು ಬಂದಿದೆ.

83 ವರ್ಷದ ನರಸಿಂಹರಾವ್‌, ಉಸಿರಾಟದ ತೊಂದರೆಯಿಂದ ಡಿ.9 ರಂದು ಆಲ್‌ ಇಂಡಿಯಾ ಇನ್‌ಸ್ಟಿಟ್ಯೂಟ್‌ ಆಫ್‌ ಮೆಡಿಕಲ್‌ ಸೈನ್ಸ್‌(ಎಐಐಎಂಎಸ್‌)ಗೆ ದಾಖಲಾಗಿದ್ದರು. ಸೋಮವಾರ ರಾವ್‌ ಅವರಿಗೆ ಅಳವಡಿಸಲಾಗಿದ್ದ, ಕೃತಕ ಉಸಿರಾಟದ ವ್ಯವಸ್ಥೆಯನ್ನು ತೆಗೆದು ಹಾಕಲಾಗಿದೆ. ಅವರ ಆರೋಗ್ಯ ಸ್ಥಿರವಾಗಿದೆ ಎಂದು ಎಐಐಎಂಎಸ್‌ ತಿಳಿಸಿದೆ.

ರಾವ್‌ ಅವರಿಗೆ ಈಗ ಪೂರ್ಣ ಪ್ರಜ್ಞೆ ಬಂದಿದೆ. ಅಲ್ಲದೇ ವೈದ್ಯಕೀಯ ಔಷಧಿಗಳ ಪ್ರಮಾಣವನ್ನು ಕಡಿಮೆ ಮಾಡಲಾಗಿದೆ. ಆದರೂ ಅವರ ಹೃದಯ ಮತ್ತು ಕಿಡ್ನಿ ಸಮಸ್ಯೆಗಳ ಹಿನ್ನೆಲೆಯಲ್ಲಿ, ತುರ್ತು ನಿಗಾ ಘಟಕದಲ್ಲಿಯೇ ಚಿಕಿತ್ಸೆ ಮುಂದುವರೆಸಲಾಗಿದೆ. ಶೀಘ್ರದಲ್ಲಿಯೇ ಮೊದಲಿನಂತೆ ರಾವ್‌ ಚೇತರಿಸಿಕೊಳ್ಳುತ್ತಾರೆ ಎನ್ನುತ್ತಾರೆ ವೈದ್ಯರು.

ಕಳೆದ ಮೂರು ದಿನಗಳಲ್ಲಿ ಮೂರು ಸಲ ಹೃದಯಾಘಾತಕ್ಕೆ ಗುರಿಯಾಗಿದ್ದ ನರಸಿಂಹರಾವ್‌ ಅವರಿಗೆ ಡಿ.11ರ ಶನಿವಾರ ತಾತ್ಕಾಲಿಕವಾಗಿ ಫೇಸ್‌ ಮೇಕರ್‌ ಅಳವಡಿಸಲಾಗಿತ್ತು.

(ಪಿಟಿಐ)

ಮುಖಪುಟ / ವಾರ್ತೆಗಳು