ಢಂ ಢಂ! ಫೈರ್‌ಬ್ರಾಂಡ್‌ ನಾಯಕಿ ಉಮಾಭಾರತಿ ಪಕ್ಷದಿಂದ ಸಸ್ಪೆಂಡ್‌

ಢಂ ಢಂ! ಫೈರ್‌ಬ್ರಾಂಡ್‌ ನಾಯಕಿ ಉಮಾಭಾರತಿ ಪಕ್ಷದಿಂದ ಸಸ್ಪೆಂಡ್‌
ಬಿಜೆಪಿ ಅಧ್ಯಕ್ಷ ಎಲ್‌.ಕೆ.ಆಡ್ವಾಣಿ ತಂಡದ ಮೊದಲ ವಿಕೆಟ್‌ ಬಿತ್ತು !

ಅಶಿಸ್ತಿನ ವರ್ತನೆಯ ಆಪಾದನೆಯ ಮೇರೆಗೆ ಮಧ್ಯಪ್ರದೇಶದ ಮಾಜಿ ಮುಖ್ಯಮಂತ್ರಿ ಮತ್ತು ಫೈರ್‌ಬ್ರಾಂಡ್‌ ನಾಯಕಿ ಉಮಾಭಾರತಿಯವರನ್ನು ಬಿಜೆಪಿ ಪಕ್ಷದಿಂದ ಆರು ವರ್ಷಗಳ ಕಾಲ ಅಮಾನತುಗೊಳಿಸಲಾಗಿದೆ. ಇದರೊಂದಿಗೆ ಪಕ್ಷದ ಪ್ರಧಾನ ಕಾರ್ಯದರ್ಶಿ ಸ್ಥಾನವೂ ಅವರ ಕೈತಪ್ಪಿದೆ.

ನ.10ರ ಬುಧವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಬಿಜೆಪಿ ಹಿರಿಯ ನಾಯಕ ಜಸ್ವಂತ್‌ ಸಿಂಗ್‌ ಉಮಾಭಾರತಿಯವರನ್ನು ಪಕ್ಷದಿಂದ ಅಮಾನತುಗೊಳಿಸಿರುವ ವಿಷಯ ತಿಳಿಸಿದರು. ಪಕ್ಷದ ನಾಯಕರ ಸಭೆಯಿಂದ ಉಮಾಭಾರತಿ ಹೊರಬಿದ್ದ ಸ್ವಲ್ಪ ಸಮಯದಲ್ಲೇ ಜಸ್ವಂತ್‌ ಈ ಪ್ರಕಟಣೆ ನೀಡಿದರು. ಸಭೆಯಿಂದ ಹೊರಬಿದ್ದ ಉಮಾ ಬಿಜೆಪಿ ನಾಯಕರ ವಿರುದ್ಧ ಮಾಧ್ಯಮ ಪ್ರತಿನಿಧಿಗಳ ಬಳಿ ದೂರಿದರು ಎನ್ನಲಾಗಿದೆ.

ಪಕ್ಷದ ವಿವಿಧ ಮುಖಂಡರು ಉಮಾ ಅಶಿಸ್ತಿನ ಬಗೆಗೆ ದೂರಿದ್ದರು. ಈ ದೂರಿನ ಹಿನ್ನೆಲೆಯಲ್ಲಿ ಪಕ್ಷದ ಅಧ್ಯಕ್ಷರು ಉಮಾ ಅವರನ್ನು ಪಕ್ಷದಿಂದ 6 ವರ್ಷಗಳ ಕಾಲ ಅಮಾನತುಗೊಳಿಸಿದ್ದಾರೆ ಎಂದು ಜಸ್ವಂತ್‌ ಸಿಂಗ್‌ ತಿಳಿಸಿದರು.

(ಪಿಟಿಐ)

ಮುಖಪುಟ / ವಾರ್ತೆಗಳು