• search

ಮುಂದಿನ ಜನಾಂಗಕ್ಕೆ ಹಂಪಿ ಕಾದಿಡಲು ಸರ್ಕಾರ ಬದ್ಧ - ಧರ್ಮಸಿಂಗ್‌

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಮುಂದಿನ ಜನಾಂಗಕ್ಕೆ ಹಂಪಿ ಕಾದಿಡಲು ಸರ್ಕಾರ ಬದ್ಧ - ಧರ್ಮಸಿಂಗ್‌
    ಹಂಪಿ ಅಭಿವೃದ್ಧಿ ಪ್ರಾಧಿಕಾರಕ್ಕೆ 2 ಕೋಟಿ ರು. ಅನುದಾನ

    ಹಂಪಿ : ವಿಶ್ವಖ್ಯಾತ ಸ್ಮಾರಕಗಳು ಹಾಗೂ ಹಂಪಿಯ ಸಮಗ್ರ ಅಭಿವೃದ್ಧಿಗೆ ಅನುಕೂಲವಾಗುವಂತೆ ಹಂಪಿ ಅಭಿವೃದ್ಧಿ ಪ್ರಾಧಿಕಾರಕ್ಕೆ 2 ಕೋಟಿ ರುಪಾಯಿ ಅನುದಾನ ನೀಡುವುದಾಗಿ ಮುಖ್ಯಮಂತ್ರಿ ಎನ್‌.ಧರ್ಮಸಿಂಗ್‌ ಪ್ರಕಟಿಸಿದ್ದಾರೆ.

    ನ.3ರ ಬುಧವಾರ ಪ್ರಾರಂಭವಾದ ಹಂಪಿ ಉತ್ಸವ-2004ಕ್ಕೆ ಲಕ್ಕಣ್ಣ ದಂಡೇಶ್‌ ವೇದಿಕೆಯಲ್ಲಿ ಚಾಲನೆ ನೀಡಿ ಮಾತನಾಡಿದ ಮುಖ್ಯಮಂತ್ರಿ ಧರ್ಮಸಿಂಗ್‌- ಮುಂದಿನ ಪೀಳಿಗೆಗೆ ಹಂಪಿಯನ್ನು ಕಾಯ್ದಿಡಲು ಸರ್ಕಾರ ಬದ್ಧವಾಗಿದೆ. ಈ ನಿಟ್ಟಿನಲ್ಲಿ ಹಂಪಿ ಅಭಿವೃದ್ಧಿ ಪ್ರಾಧಿಕಾರವನ್ನು ಸರ್ಕಾರ ರೂಪಿಸಿದ್ದು , 2 ಕೋಟಿ ರುಪಾಯಿ ಅನುದಾನ ನೀಡಲಿದೆ ಎಂದು ಹೇಳಿದರು.

    ಹಂಪಿ ವಿಶ್ವ ಪರಂಪರೆ ನಕಾಶೆಯಲ್ಲಿದೆ. ಹಂಪಿಯ ಸಮಗ್ರ ಅಭಿವೃದ್ಧಿಗಾಗಿ 10 ಕೋಟಿ ರುಪಾಯಿ ನೀಡುವುದಾಗಿ ಕೇಂದ್ರ ಪ್ರವಾಸೋದ್ಯಮ ಸಚಿವೆ ರೇಣುಕಾ ಚೌಧುರಿ ತಮ್ಮ ಇತ್ತೀಚಿನ ಪ್ರವಾಸದಲ್ಲಿ ತಿಳಿಸಿದ್ದರು. ಪತ್ರ ಬರೆಯುವ ಮೂಲಕ ಅವರಿಗೆ ತಮ್ಮ ಆಶ್ವಾಸನೆಯನ್ನು ನೆನಪಿಸುವುದಾಗಿ ಧರ್ಮಸಿಂಗ್‌ ತಿಳಿಸಿದರು.

    ಕಳೆದ ಮೂರು ವರ್ಷಗಳ ಸತತ ಬರದಿಂದ ಹಂಪಿ ಉತ್ಸವ ಕಳೆಗೆಟ್ಟಿರುವುದನ್ನು ಒಪ್ಪಿಕೊಂಡ ಧರ್ಮಸಿಂಗ್‌, ಮುಂದಿನ ದಿನಗಳಲ್ಲಿ ಮೈಸೂರು ದಸರಾ ಮಾದರಿಯಲ್ಲಿ ಹಂಪಿ ಉತ್ಸವವನ್ನೂ ಅದ್ದೂರಿಯಾಗಿ ಆಚರಿಸಲಾಗುವುದು ಎಂದರು.

    (ಇನ್ಫೋ ವಾರ್ತೆ)

    ಮುಖಪುಟ / ವಾರ್ತೆಗಳು

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more