ಮಂಡ್ಯ: ಗಣೇಶನ ವಿಸರ್ಜಿಸಿ ಮರಳುತ್ತಿದ್ದ 8ಮಂದಿಯ ನುಂಗಿದ ಗುಂಡಿ

ಮಂಡ್ಯ: ಗಣೇಶನ ವಿಸರ್ಜಿಸಿ ಮರಳುತ್ತಿದ್ದ 8ಮಂದಿಯ ನುಂಗಿದ ಗುಂಡಿ
ಹದಿಮೂರು ಮಂದಿಗೆ ತೀವ್ರಗಾಯ

ಮಂಡ್ಯ ಸಮೀಪ ಗಣೇಶನ ವಿಗ್ರಹವನ್ನು ವಿಸರ್ಜಿಸಿ ಮನೆಗೆ ಮರಳುವಾಗ ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಎಂಟು ಮಂದಿ ಸಾವನ್ನಪ್ಪಿದ್ದಾರೆ. ಈ ಘಟನೆಯಲ್ಲಿ ಇತರ ಹದಿಮೂರು ಮಂದಿ ತೀವ್ರವಾಗಿ ಗಾಯಗೊಂಡಿದ್ದಾರೆ.

ಮಂಡ್ಯ ಜಿಲ್ಲೆಯ ಬಿದರಕೆರೆ ಬಳಿ ಸೋಮವಾರ ರಾತ್ರಿ(ಅಕ್ಟೋಬರ್‌ 26) ಅಪಘಾತ ಸಂಭವಿಸಿದೆ. ಗಣೇಶನನ್ನು ವಿಸರ್ಜಿಸಿದ ನಂತರ ಕಾರ್ಗೋ ವ್ಯಾನ್‌ನಲ್ಲಿ ಇವರು ಮನೆಯತ್ತ ಸಾಗುತ್ತಿದ್ದರು. ವ್ಯಾನ್‌ ರಸ್ತೆಬದಿಯ ಗುಂಡಿಯಾಂದಕ್ಕೆ ಉರುಳಿ ದುರಂತ ಸಂಭವಿಸಿದೆ.

ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಹದಿಮೂರು ಜನರಲ್ಲಿ ಆರು ಮಂದಿಯ ಸ್ಥಿತಿ ಗಂಭೀರವಾಗಿದೆ ಎಂದು ಪೋಲೀಸರು ತಿಳಿಸಿದ್ದಾರೆ.

(ಪಿಟಿಐ)

ಮುಖಪುಟ / ವಾರ್ತೆಗಳು