ಧರ್ಮ ಪತನ ಸನ್ನಿಹಿತ ; 2005 ಏಪ್ರಿಲ್‌ನಲ್ಲಿ ಚುನಾವಣೆ -ಜ್ಯೋತಿಷಿ

ಧರ್ಮ ಪತನ ಸನ್ನಿಹಿತ ; 2005 ಏಪ್ರಿಲ್‌ನಲ್ಲಿ ಚುನಾವಣೆ -ಜ್ಯೋತಿಷಿ
ಸಂಪುಟ ವಿಸ್ತರಣೆಯೇ ಸರ್ಕಾರದ ಪತನಕ್ಕೆ ಮೂಲ

ಬೀದರ್‌ ಲೋಕಸಭಾ ಉಪಚುನಾವಣೆಯ ಫಲಿತಾಂಶದ ನಂತರ ಮುಖ್ಯಮಂತ್ರಿ ಎನ್‌.ಧರ್ಮಸಿಂಗ್‌ರ ತಾರಾಗತಿ ಕೋರೈಸುತ್ತಿದೆ ಎನ್ನುವ ಭಾವನೆ ರಾಜಕೀಯ ವಲಯದಲ್ಲಿ ಬಲವಾಗಿರುವ ಸಂದರ್ಭದಲ್ಲಿ , ಮೈತ್ರಿಕೂಟ ಸರಕಾರದ ಭವಿಷ್ಯ ಹತ್ತಿರಕ್ಕೆ ಬಂದಿದೆ ಎನ್ನುತ್ತಿದ್ದಾರೆ ತುಮಕೂರಿನ ಹೆಸರಾಂತ ಜ್ಯೋತಿಷಿ ಡಾ. ಜಿ. ಉಮಾಪತಿ ಶಾಸ್ತ್ರಿ.

ಉಮಾಪತಿ ಶಾಸ್ತ್ರಿಗಳು ಹೇಳಿರುವುದಿಷ್ಟು- ಕರ್ನಾಟಕದ ಜನ ಮುಂದಿನ ಚುನಾವಣೆಗೆ ಸಿದ್ಧರಾಗಬೇಕು. ಸರಕಾರ ಯಾವಾಗ ಬೇಕಾದರೂ ಉರುಳಬಹುದು, 2005ರ ಏಪ್ರಿಲ್‌ ವೇಳೆಗೆ ವಿಧಾನಸಭಾ ಚುನಾವಣೆ ನಡೆಯುವ ಸಾಧ್ಯತೆಗಳು ಹೆಚ್ಚು.

ಸಚಿವ ಸಂಪುಟ ವಿಸ್ತರಣೆ ಕಾಂಗ್ರೆಸ್‌ ಹಾಗೂ ಜಾತ್ಯತೀತ ಜನತಾದಳ ಪಕ್ಷಗಳ ನಡುವೆ ಅತೃಪ್ತಿ ಮೂಡಿಸಲಿದೆ. ಈ ಅತೃಪ್ತಿಯ ಪರಿಣಾಮ ಮೈತ್ರಿಕೂಟದ ಸರಕಾರ ಇಕ್ಕಟ್ಟಿಗೆ ಸಿಲುಕಲಿದೆ ಎಂದು ಶಾಸ್ತ್ರಿಗಳು ಹೇಳಿದ್ದಾರೆ.

ಮುಖ್ಯಮಂತ್ರಿ ಧರ್ಮಸಿಂಗ್‌ ಮತ್ತು ಉಪಮುಖ್ಯಮಂತ್ರಿ ಸಿದ್ದರಾಮಯ್ಯನವರ ಜಾತಕಗಳ ಆಧಾರದ ಮೇಲೆ ಈ ಜ್ಯೋತಿಷ್ಯವನ್ನು ಉಮಾಪತಿ ಶಾಸ್ತ್ರಿ ತಿಳಿಸಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ಧರ್ಮ-ಕಾರಣ