ಬನ್ನೇರುಘಟ್ಟ, ಸರ್ಜಾಪುರ, ಮಾರತಹಳ್ಳಿರಸ್ತೆಗಳ ಮೋಕ್ಷಕ್ಕೆ 34 ಕೋಟಿ

ಬನ್ನೇರುಘಟ್ಟ, ಸರ್ಜಾಪುರ, ಮಾರತಹಳ್ಳಿರಸ್ತೆಗಳ ಮೋಕ್ಷಕ್ಕೆ 34 ಕೋಟಿ
2005 ನವೆಂಬರ್‌ ಒಳಗೆ ಬೆಂಗಳೂರು ರಸ್ತೆಗಳಿಗೆ ಹೇಮಾಮಾಲಿನಿ ಕೆನ್ನೆಯ ಹೊಳಪು!

ಮಾಹಿತಿ ತಂತ್ರಜ್ಞಾನ ಕ್ಷೇತ್ರಕ್ಕೆ ಮೂಲಭೂತ ಸೌಕರ್ಯ ಒದಗಿಸುವ ನಿಟ್ಟಿನಲ್ಲಿ ಸರಕಾರ ಅಸಡ್ಡೆ ಪ್ರದರ್ಶಿಸಿದೆ ಎನ್ನುವ ಆರೋಪಗಳ ಹಿನ್ನೆಲೆ ಸರಕಾರ ಈಗ ನಿದ್ರೆಯಿಂದ ಎದ್ದಿದೆ.

ಮುಖ್ಯಮಂತ್ರಿ ಧರ್ಮಸಿಂಗ್‌ ನೇತೃತ್ವದ ಉನ್ನತ ಮಟ್ಟದ ಸಭೆಯಲ್ಲಿ , 34 ಕೋಟಿ ರೂ. ವೆಚ್ಚದಲ್ಲಿ ರಾಜ್ಯದ ಮೂರು ರಸ್ತೆಗಳ ಅಭಿವೃದ್ಧಿಗೆ ಸರಕಾರ ಮುಂದಾಗಿದೆ. 50:50 ಅನುಪಾತದಲ್ಲಿ ರಾಜ್ಯಸರಕಾರ ಹಾಗೂ ಐಟಿ ಕಂಪನಿಗಳು ಯೋಜನೆಯ ಹಣವನ್ನು ಭರಿಸಲಿವೆ. ನವೆಂಬರ್‌ 15 ರಿಂದ ಕಾಮಗಾರಿಗಳು ಬಿರುಸಿನ ವೇಗದಲ್ಲಿ ಆರಂಭವಾಗಲಿವೆ.

ಹಾಯ್‌ ಎನ್ನುವ ರಸ್ತೆಗಳು : ಈ ಯೋಜನೆಯಿಂದ ಬನ್ನೇರುಘಟ್ಟ ರಸ್ತೆ, ಸರ್ಜಾಪುರ ರಸ್ತೆ ಹಾಗೂ ಮಾರತಹಳ್ಳಿ ರಸ್ತೆಗಳಿಗೆ ಮೋಕ್ಷ ದೊರಕಲಿದೆ. ರಸ್ತೆಗಳ ಅಭಿವೃದ್ಧಿ ಐಟಿ ಕ್ಷೇತ್ರದ ಪ್ರಗತಿಗೆ ಪೂರಕವಾಗಲಿದೆ. ಅಲ್ಲದೇ ನಗರದ ಎಲ್ಲಾ ರಸ್ತೆಗಳನ್ನು ಹಂತಹಂತವಾಗಿ ಅಭಿವೃದ್ಧಿ ಪಡಿಸಲು ಸರಕಾರ ನಿರ್ಧರಿಸಿದೆ. ನವೆಂಬರ್‌ 2005 ರ ಒಳಗಾಗಿ ನಗರದ ಎಲ್ಲಾ ಪ್ಲೈಓವರ್‌ಗಳು ಮತ್ತು ರಸ್ತೆ ಕಾಮಗಾರಿಗಳ ಮುಗಿಸಿ, ಸುಗಮ ಸಂಚಾರಕ್ಕೆ ಅನುಕೂಲ ಕಲ್ಪಿಸುವುದಾಗಿ ಮುಖ್ಯಮಂತ್ರಿ ಧರ್ಮಸಿಂಗ್‌ ಭರವಸೆ ನೀಡಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ಧರ್ಮ-ಕಾರಣ