• search

ತಂಪುಹವೆ ನಡುವೆ ಗರಿಬಿಚ್ಚಿದ ದಸರೆ ಸಂಭ್ರಮ;‘ಧರ್ಮ’ ಬದ್ಧ ಎಚ್ಚೆನ್‌

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ತಂಪುಹವೆ ನಡುವೆ ಗರಿಬಿಚ್ಚಿದ ದಸರೆ ಸಂಭ್ರಮ;‘ಧರ್ಮ’ ಬದ್ಧ ಎಚ್ಚೆನ್‌
    ವಿಚಾರವಾದಿ ಮೂಲಕ ಉದ್ಘಾಟನೆಗೊಳ್ಳುವ ಮೂಲಕ ದಸರೆಗೆ ಹೊಸ ಆಯಾಮ

    ಮೈಸೂರು : ಮರಳಿ ವೈಭವವನ್ನು ಪಡೆದುಕೊಂಡಿರುವ ನಾಡಹಬ್ಬ ದಸರಾ ಉತ್ಸವಕ್ಕೆ ಖ್ಯಾತ ಶಿಕ್ಷಣ ತಜ್ಞ ಡಾ.ಎಚ್‌.ನರಸಿಂಹಯ್ಯ ಶುಕ್ರವಾರ ಚಾಲನೆ ನೀಡಿದರು.

    ಅ.15ರ ಶುಕ್ರವಾರದಿಂದ ನವರಾತ್ರಿ ಪ್ರಾರಂಭವಾಗಿದ್ದು , ಮೈಸೂರಿನ ಚಾಮುಂಡಿ ಬೆಟ್ಟದ ಒಡತಿ ಚಾಮುಂಡೇಶ್ವರಿ ದೇವಿ ಸನ್ನಿಧಿಯಲ್ಲಿ ಜ್ಯೋತಿ ಬೆಳಗಿಸುವ ಮೂಲಕ ಡಾ. ನರಸಿಂಹಯ್ಯ ದಸರೆಗೆ ಚಾಲನೆ ನೀಡಿದರು. ಪುಷ್ಪವೃಷ್ಟಿಯಂತೆ ಆಗಾಗ ಸುರಿಯುತ್ತಿದ್ದ ತುಂತುರು, ತಂಪುಹವೆ ವಾತಾವರಣದಲ್ಲಿ ಒಂಬತ್ತು ದಿನಗಳ ದಸರೆ ಸಂಭ್ರಮ ಆರಂಭವಾಯಿತು.

    ಇದೊಂದು ಸಾಂಸ್ಕೃತಿಕ ಉತ್ಸವ. ಧರ್ಮವನ್ನು ಬೇಡ ಎನ್ನುವುದು ಅವಾಸ್ತವವಾದುದು. ಸಂಸ್ಕೃತಿ ಮತ್ತು ಧರ್ಮದೊಂದಿಗೆ ನಮ್ಮ ಜನ ಜೀವನ ನಡೆಸುತ್ತಿದ್ದಾರೆ. ಆ ಕಾರಣದಿಂದಾಗಿ ಸಮಾಜದಲ್ಲಿ ಬದುಕಲು ಧರ್ಮದ ಅಗತ್ಯವಿದೆ ಎಂದು ದಸರೆ ಉದ್ಘಾಟಿಸಿದ ನರಸಿಂಹಯ್ಯ ಹೇಳಿದರು.

    ಸಂಸ್ಕೃತಿ ಹಾಗೂ ಕನ್ನಡ ನುಡಿಯನ್ನು ಉಳಿಸಿಕೊಳ್ಳಬೇಕಾದ ಅವಶ್ಯಕತೆ ಹೆಚ್ಚಾಗಿದೆ. ಎಲ್ಲರೂ ಮಾತೃಭಾಷೆಗೆ ಒತ್ತು ನೀಡಬೇಕು ಎಂದ ನರಸಿಂಹಯ್ಯ- ದಸರೆ ಉದ್ಘಾಟಿಸಲು ಅವಕಾಶ ಕಲ್ಪಿಸುವ ಮೂಲಕ ಸರ್ಕಾರ ತಮ್ಮನ್ನು ಗೌರವಿಸಿದೆ ಎಂದು ಭಾವುಕರಾಗಿ ನುಡಿದರು.

    ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಉಪ ಮುಖ್ಯಮಂತ್ರಿ ಸಿದ್ದರಾಮಯ್ಯ- ಸಾಂಸ್ಕೃತಿಕ ನೆಲೆಗಟ್ಟನ್ನು ವೈಚಾರಿಕತೆಯ ಮೂಲಕ ಕಾಣುವ ಉದ್ದೇಶದಿಂದ ನಾಡಹಬ್ಬವನ್ನು ವಿಚಾರವಾದಿಯಾಬ್ಬರಿಂದ ಉದ್ಘಾಟಿಸಲು ರಾಜ್ಯ ಸರ್ಕಾರ ನಿರ್ಧರಿಸಿತು. ಈ ಮೂಲಕ ದಸರೆಗೆ ಹೊಸ ಆಯಾಮ ದೊರೆತಿದೆ ಎಂದರು.

    ಕಂದಾಯ ಸಚಿವ ಎಂ. ಪಿ. ಪ್ರಕಾಶ್‌, ಕೇಂದ್ರ ಪ್ರವಾಸೋದ್ಯಮ ಸಚಿವೆ ರೇಣುಕಾ ಚೌಧರಿ, ಸಂಸದರಾದ ವಿಜಯ ಶಂಕರ್‌, ಶಿವಣ್ಣ, ಶಾಸಕರಾದ ಜಿ. ಟಿ. ದೇವೇಗೌಡ, ಎಂ. ಕೆ. ಸೋಮ ಶೇಖರ್‌, ಡಿ. ಟಿ. ಜಯಕುಮಾರ್‌, ಶಂಕರ ಲಿಂಗೇಗೌಡ ಕಾರ್ಯಕ್ರಮದಲ್ಲಿ ಹಾಜರಿದ್ದರು.

    (ಇನ್ಫೋ ವಾರ್ತೆ)


    ಮುಖಪುಟ / ವಾರ್ತೆಗಳು

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more