• search
For Quick Alerts
ALLOW NOTIFICATIONS  
For Daily Alerts

    ಬದುಕು ಜಟಕಾ ಬಂಡಿ; ಅದನೆಳೆಯಲು ಕಲ್ಲು ಕುಟ್ಟುವ 70ರ ನಂಜಮ್ಮ !

    By Staff
    |

    ಬದುಕು ಜಟಕಾ ಬಂಡಿ; ಅದನೆಳೆಯಲು ಕಲ್ಲು ಕುಟ್ಟುವ 70ರ ನಂಜಮ್ಮ !
    ಗ್ರಾಮೀಣ ಭಾರತದ ಸಾವಿರಾರು ಹೆಣ್ಣುಮಕ್ಕಳ ಪ್ರತಿನಿಧಿಯ ಕಥೆಯಿದು...

    ರಾಮನಗರ : ವೃದ್ದಾಪ್ಯದಲ್ಲಿ ಸಹಾ ಕಲ್ಲು ಕುಟ್ಟಿ ಅನ್ನವನ್ನು ಸಂಪಾದಿಸಬೇಕಾದ ಸ್ಥಿತಿ ಎಪ್ಪತ್ತು ವರ್ಷದ ನಂಜಮ್ಮನಿಗೆ ಬಂದಿದೆ. ಆತ್ಮವಿಶ್ವಾಸ ಹಾಗೂ ಛಲದಿಂದ ಬದುಕಿನ ಬಂಡಿಯನ್ನು ತಳ್ಳುತ್ತಿರುವ ಇಂಥವರು ನಿಜಕ್ಕೂ ವಿರಳ.

    ಬೆನ್ನು ಬಾಗಿದ ತಕ್ಷಣ ಕೈಚಾಚುವ, ಕಷ್ಟದ ವಾಸನೆ ಬಂದ ಕೂಡಲೇ ಸಾವಿನ ಮನೆಯ ಬಾಗಿಲು ತಟ್ಟುವ ಮಂದಿ ನಂಜಮ್ಮಳನ್ನು ಒಂದು ಸಲ ನೋಡ ಬೇಕು. ಬಿಸಿಲಿರಲಿ, ಮಳೆಯಿರಲಿ ಹಳ್ಳಿಹಳ್ಳಿ ಸುತ್ತುತ್ತಾ, ತನ್ನ ಪಾಡಿಗೆ ತಾನು ರುಬ್ಬುವ ಒರಳು ಕಲ್ಲಿಗೆ ಮುಳ್ಳು ಹೊಡೆಯುವ ಕಾಯಕವನ್ನು ತಪ್ಪಿಸುವುದಿಲ್ಲ.

    ರಾಮನಗರ ತಾಲೂಕಿನ ಅರ್ಚಕರಹಳ್ಳಿಯ ನಂಜಮ್ಮ ಬೋವಿ ಜನಾಂಗಕ್ಕೆ ಸೇರಿದವಳು. ಗಂಡ-ಹೆಂಡತಿ-ಒಬ್ಬ ಮಗ ಹೀಗೆ ಇವರದೊಂದು ಬಡಕುಟುಂಬವಾದರೂ ತೃಪ್ತಿಗೇನೂ ಕೊರತೆಯಿರಲಿಲ್ಲ. ನಂಜಮ್ಮಳ ಗಂಡ ವೆಂಕಟಸ್ವಾಮಿ ಬದುಕಿರುವ ತನಕ ಜೀವನ ಹೇಗೋ ಸಾಗುತ್ತಿತ್ತು. ಕಳೆದ ವರ್ಷ ಆಕೆ ತನ್ನ ಗಂಡನನ್ನು ಕಳೆದುಕೊಂಡಳು. ಈ ಮಧ್ಯೆ ಮಗ ಮನೆತನದ ಕಲ್ಲು ಕುಟ್ಟುವ ಕೆಲಸ ಇಷ್ಟಪಡದೇ ಬೆಂಗಳೂರು ಸೇರಿದ.

    ಜಮೀನು-ಅಸ್ತಿ ಒಂದೂ ಇಲ್ಲದ ನಂಜಮ್ಮ ಬದುಕಿಗಾಗಿ ಏನಾದರೂ ಮಾಡಲೇಬೇಕಾಗಿತ್ತು. ಗಂಡ ವೆಂಕಟಸ್ವಾಮಿ ಮಾಡುವ ಕೆಲಸವನ್ನು ಮೊದಲಿಂದಲೂ ಗಮನಿಸುತ್ತಿದ್ದ ನಂಜಮ್ಮ ಕಡೆಗೆ ಅದನ್ನು ಮುಂದುವರೆಸಲು ನಿರ್ಧರಿಸಿದಳು.

    ಸೂರ್ಯ ಹುಟ್ಟುವ ಮೊದಲೇ ಎದ್ದು ಚೀಲದಲ್ಲಿ ಸುತ್ತಿಗೆ, ಚಾಣ ಹಾಕಿಕೊಂಡು ಹಳ್ಳಿಗಳತ್ತ ಹೊರಟರೆ ಮತ್ತೆ ಮನೆ ಸೇರುವುದು ಸೂರ್ಯ ತನ್ನ ಮನೆಗೆ ಹೋದ ಮೇಲೆಯೇ. ದಿನಕ್ಕೆ 4-5 ಒರಳು ಕಲ್ಲಿಗೆ ಮುಳ್ಳು ಹೊಡೆಯುವ ಈಕೆ ದಿನಕ್ಕೆ 30 ರಿಂದ 35 ರುಪಾಯಿ ಸಂಪಾದಿಸುತ್ತಾಳೆ.

    ತನ್ನ ಇಳಿ ವಯಸ್ಸಿನ ಕಷ್ಟದ ಬಗೆಗೆ ನಂಜಮ್ಮಳಿಗೆ ಬೇಸರ ಇಲ್ಲ. ಎಲ್ಲಾ ಶಿವನ ಇಚ್ಚೆ ಎನ್ನುವ ನಂಬಿಕೆ ಆಕೆಯದು. ನಂಜಮ್ಮ ಬಸವಳಿದಿರುವ ಮಹಿಳೆಯರಿಗೆ ಆದರ್ಶವಾಗಿ ನಿಂತಿದ್ದಾಳೆ.

    (ಇನ್ಫೋ ವಾರ್ತೆ)

    Post your views

    ಮುಖಪುಟ / ವಾಟ್ಸ್‌ ಹಾಟ್‌

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more